სარაკეტო თავდასხმის შედეგად კიევში ხანძარი გაჩნდა, ჩერკასში სასტუმროს შენობა განადგურდა - არიან დაშავებულები

რუსული ძალების სარაკეტო თავდასხმის შედეგად, ჩერკასში სასტუმროს შენობა განადგურდა, ჩამოგდებული რაკეტების ფრაგმენტების გამო კიევსა და კიევის ოლქში ხანძარი გაჩნდა, სარაკეტო დარტყმები განხორციელდა ლვოვისა და რივნეს ოლქებშიც, - ინფორმაციას უკრაინული მედია ქვეყნის შინაგან საქმეთა მინისტრ იგორ კლიმენკოზე დაყრდნობით ავრცელებს.

„წყნარი დილა არ გვქონდა. უკრაინის სხვადასხვა რეგიონში აფეთქებების ხმები ისმოდა", - აღნიშნა მინისტრმა.

მისი თქმით, სარაკეტო თავდასხმის შედეგად ჩერკასში განადგურდა სასტუმროს შენობა და ხანძარი გაჩნდა, ხანძარია ასევე სავაჭრო პავილიონებში. დაშავებულია 7 ადამიანი. კიევში, რაკეტების ნამსხვრევების ჩამოვარდნის შედეგად რამდენიმე რაიონი დაზარალდა. ხანძარია დარნიცკის რაიონში. დაშავდა 7 ადამიანი, მათ შორის ერთი ბავშვი.

კიევის ოლქში ნამსხვრევების ჩამოვარდნის შედეგად საწარმოების ტერიტორიაზე ხანძარი გაჩნდა. დაზიანდა კერძო სექტორიც. დაშავდა ორი ადამიანი. ხარკოვში თავდასხმის შედეგად საწყობის შენობა დაინგრა. დაშავდა 2 ადამიანი. ზიანი მიადგა რივნეს ოლქსაც, სადაც ყველა შესაბამისი სამსახურია მობილიზებული.

ამასთან, ლვოვის ოლქში სარაკეტო დარტყმა განხორციელდა ინდუსტრიულ ზონაზე, რამაც ნგრევა და ხანძარი გამოიწვია. ამასთან, კიევის ოლქის სამხედრო ადმინისტრაციის ინფორმაციით, უკრაინის დედაქალაქის და მისი შემოგარენის თავზე საჰაერო თავდაცვის ძალებმა რუსების 20 რაკეტა გაანადგურეს.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი