პეტერ სტანოს განცხადებით, ევროკავშირი მთიან ყარაბაღში შექმნილი სიტუაციის შეფასებას ახდენს

საგარეო პოლიტიკის საკითხებში ევროკომისიის წარმომადგენლის, პეტერ სტანოს განცხადებით, ევროკავშირის წევრი სახელმწიფოები მთიან ყარაბაღში შექმნილი სიტუაციის შეფასებას ახდენენ და ჯერჯერობით ოფიციალური ბაქოს წინააღმდეგ სანქციების დაწესების შესახებ არანაირი გადაწყვეტილება არ მიუღიათ.

აღნიშნული განცხადება პეტერ სტანომ აზერბაიჯანის წინააღმდეგ სანქციების დაწესების შესახებ ევროპარლამენტში გაჟღერებული მოწოდებების კომენტირებისას გააკეთა.

"ნებისმიერ სასანქციო გადაწყვეტილებას წევრი ქვეყნები იღებენ. ჯერჯერობით ისინი მთიან ყარაბაღში განვითარებული აქტუალური სიტუაციის შეფასებას ახდენენ", - განაცხადა სტანომ.

მან ასევე აღნიშნა, რომ ყარაბაღში შექმნილ სიტუაციასთან დაკავშირებული საკითხი უნდა იყოს საერთაშორისო, ამიტომაც ევროკავშირის წევრი ქვეყნები გაეროს გენერალური ასამბლეის ფარგლებში პარტნიორებთან შესაბამის კონსულტაციებს მართავენ.

"ამ ეტაპზე რაიმე კონკრეტული ზომების მიღების შესახებ გადაწყვეტილება არ არის. ეს საკითხი შეფასების პროცესშია, პარტნიორებთან კონსულტაციების შემდეგ … პასუხი საერთაშორისო უნდა იყოს", - განაცხადა საგარეო პოლიტიკის საკითხებში ევროკომისიის წარმომადგენელმა.

ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
Webster University Georgia-ს რექტორი ჟან პოლ ვან მარისინგი - უნივერსიტეტს აქვს პოტენციალი, რეგიონის საგანმანათლებლო ჰაბი გახდეს
ქართული პრესის მიმოხილვა 24.06.2024
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად