ნიკოლ ფაშინიანის განცხადებით, ცეცხლის შეწყვეტის გამოცხადების შემდეგ, არაღიარებული მთიანი ყარაბაღის ქვედანაყოფები იმავე პოზიციაზე რჩებიან, სადაც მანამდე იმყოფებოდნენ

სომხეთის რესპუბლიკის პრემიერ-მინისტრის, ნიკოლ ფაშინიანის განცხადებით, მის ხელთ არსებული ინფორმაციით, ცეცხლის შეწყვეტის რეჟიმის გამოცხადების შემდეგ, არაღიარებული მთიანი ყარაბაღის თავდაცვის არმიის ქვედანაყოფები იმავე ადგილას რჩებიან, სადაც ცეცხლის შეწყვეტის რეჟიმის გამოცხადებამდე იმყოფებოდნენ, იგივე აზერბაიჯანის შეიარაღებულ ძალებს ეხება.

ფაშინიანის თქმით, ზოგიერთ ადგილას ცეცხლის შეწყვეტის რეჟიმის დარღვევა ფიქსირდება, მაგრამ ინფორმაცია იმის შესახებ, რომ აზერბაიჯანული ჯარი სტეფანაკერტში იმყოფება, სინამდვილეს არ შეესაბამება.

„ზოგადად სიტუაცია სტაბილურია, სინამდვილეს ასევე არ შეესაბამება ინფორმაცია მშვიდობიანი მოსახლეობის დიდი მსხვერპლის შესახებ“, - განაცხადა სომხეთის რესპუბლიკის პრემიერ-მინისტრმა.

მისივე თქმით, მთიან ყარაბაღზე თავდასხმის მიზანი საომარ მოქმედებებში სომხეთის ჩართვა და ქვეყანაში ქაოსის შექმნა იყო.

"რაც შეეხება ჰუმანიტარულ ვითარებას, გავრცელდა ინფორმაცია იმის შესახებ, რომ სომხეთის რესპუბლიკამ აკრძალა ან ჩაკეტა გზა მთიანი ყარაბაღიდან სომხეთში გადასვლის მსურველთათვის. მინდა მკაფიოდ განვაცხადო: ყველამ ვიცით, რომ ლაჩინის დერეფანი უკვე მეათე თვეა, რაც ჩაკეტილია. სომხეთის მხრიდან არსებული გზები ერთი წუთითაც არ ყოფილა ჩაკეტილი და ახლაც ღიაა. უფრო მეტიც, კვირის დასაწყისში მივეცი დავალება იძულებით გადაადგილებულ პირთა მიღების თაობაზე სამუშაო ჯგუფის შექმნის შესახებ, მათი განთავსებისთვის პირობების უზრუნველსაყოფად“, - განაცხადა ფაშინიანმა.

მისივე თქმით, ჩატარებულია მოსამზადებელი სამუშოები სომხეთში 40 000-მდე ოჯახის განთავსებისთვის.

„ჩვენ ამაზე საუბარი არ გვსურს. რატომ? რადგან ვთვლით, რომ მთიანი ყარაბაღის სომხებმა თავიანთ სახლებში, თავიანთ სამშობლოში, ღირსეულ და უსაფრთხო პირობებში უნდა იცხოვრონ. დღეს, ჩვენი შეფასებით, მთიანი ყარაბაღის მოსახლეობისთვის პირდაპირი საფრთხე არ არსებობს“, - განაცხადა მან.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს