ჩვენ ძალიან მადლობელი ვართ რუსეთის ტერორთან ბრძოლაში შეერთებული შტატების მხრიდან გაწეული მნიშვნელოვანი დახმარებისთვის, - ამის შესახებ უკრაინის პრეზიდენტმა, ვოლოდიმირ ზელენსკიმ აშშ-ის პრეზიდენტთან, ჯო ბაიდენთან შეხვედრაზე განაცხადა. მისი თქმით, ვაშინგტონში ვიზიტის ფარგლებში მნიშვნელოვან შედეგებს მიაღწიეს.

"დღეს ჩვენ მივაღწიეთ მნიშვნელოვან შედეგებს. შევთანხმდით, რომ შევიმუშავებთ რამდენიმე სტრატეგიულ გადაწყვეტილებას, რომელიც საშუალებას მოგვცემს, თავიდან ავიცილოთ ნებისმიერი ახალი აგრესია უკრაინისა და ჩვენი ხალხის წინააღმდეგ", - განაცხადა ზელენსკიმ.

მისივე თქმით, მიღწეულია ახალი შეთანხმებები, რომლებიც გაზრდის უკრაინის თავდაცვის შესაძლებლობებს.

უკრაინის პრეზიდენტმა მადლობა გადაუხადა ამერიკელ კოლეგას უკრაინის დახმარების ახალი პაკეტის გამოცხადებისთვის. "ეს არის ძალიან ძლიერი პაკეტი. ეს არის ზუსტად ის, რაც ახლა ჩვენს ჯარისკაცებს სჭირდებათ", - განაცხადა ზელენსკიმ.