აზერბაიჯანის საგარეო მინისტრი - აზერბაიჯანის  კონტრტერორისტულმა ზომებმა დასახულ მიზნებს მიაღწია

აზერბაიჯანის მიერ ყარაბაღის რეგიონში გატარებულმა კონტრტერორისტულმა ზომებმა დასახულ მიზნებს მიაღწია, - ამის შესახებ აზერბაიჯანის საგარეო საქმეთა მინისტრმა, ჯეიჰუნ ბაირამოვმა გაერო-ს უშიშროების საბჭოს შეხვედრაზე განაცხადა.

მისი თქმით, ის, რასაც აზერბაიჯანმა კონტრტერორისტული ოპერაციით მიაღწია, შეიძლებოდა დიდი ხნის წინ განხორციელებულიყო მშვიდობიანად, სომხეთს რომ სამმხრივი განცხადებით ნაკისრი ვალდებულებები შეესრულებინა. "მხოლოდ სომხეთია დამნაშავე იმაში, რომ ეს არ მოხდა", - დასძინა მინისტრმა.

მისი მტკიცებით, 30 წელზე მეტი ხნის წინ სომხეთის მიერ აზერბაიჯანის წინააღმდეგ წამოწყებული შეიარაღებული კონფლიქტის მოსაგვარებლად გაწეული ყველა საერთაშორისო ძალისხმევის წარუმატებლობის მიზეზი სომხეთის მიერ აზერბაიჯანის ტერიტორიიდან ძალების სრული, დაუყოვნებლივი და უპირობო გაყვანასთან დაკავშირებით ნაკისრი ვალდებულებების შეუსრულებლობა გახდა.

"სომხეთის მუდმივი უკანონო სამხედრო ყოფნა აზერბაიჯანის სუვერენულ ტერიტორიაზე რჩებოდა ყველაზე სერიოზულ დაბრკოლებად სომხეთსა და აზერბაიჯანს შორის პოსტკონფლიქტური ნორმალიზაციის პროცესისთვის, ისევე როგორც აზერბაიჯანის ყარაბაღის რეგიონის ეთნიკურად სომეხი მაცხოვრებლების რეინტეგრაციის მცდელობებისთვის", - აღნიშნა ჯეიჰუნ ბაირამოვმა.

მისი თქმით, მოხდა შეთანხმება, რომ ეთნიკურად სომეხი მოსახლეობის აზერბაიჯანში რეინტეგრაციასთან დაკავშირებული საკითხები, მათ შორის მათი უფლებები და უსაფრთხოება აზერბაიჯანის რესპუბლიკის კონსტიტუციის ფარგლებში, განიხილება უშუალოდ მათ წარმომადგენლებსა და აზერბაიჯანის ცენტრალურ ხელისუფლებას შორის.

"როგორც უკვე აღვნიშნე, პირველი ასეთი შეხვედრა შედგა და პირველადი შედეგი გამოიღო. ამ ფორმატში შეხვედრები გაგრძელდება", - აღნიშნა ჯეიჰუნ ბაირამოვმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024