აზერბაიჯანი ყარაბაღელი სომეხი მებრძოლებისთვის, რომლებიც იარაღს ყრიან, ამნისტიის საკითხს განიხილავს, თუმცა ყარაბაღის ზოგიერთმა სამხედრო ნაწილმა განაცხადა, რომ წინააღმდეგობას გააგრძელებს, - ამის შესახებ აზერბაიჯანის პრეზიდენტის მრჩეველმა საგარეო პოლიტიკის საკითხებში ჰიკმეტ ჰაჯიევმა Reuters-ს განუცხადა.
„თუნდაც ყოფილ სამხედროებსა და მებრძოლებთან დაკავშირებით, თუ შეიძლება მათი ასე კლასიფიცირება, თუნდაც მათთვის, ჩვენ ამნისტიას ვგეგმავთ“, - განაცხადა ჰაჯიევმა.
მისივე თქმით, ყარაბაღელი სომხების უფლებები დაცული იქნება აზერბაიჯანში მათი ინტეგრაციის ფარგლებში.
„ამჟამად ჩვენ ვხედავთ, არმიის ცალკეულ ჯგუფებისა და ოფიცრებს, რომლებმაც გააკეთეს საჯარო განცხადებები, რომ ისინი არ დათანხმებულან ჩვენს პირობებს და გააგრძელებენ წინააღმდეგობას. ჩვენ ასევე ვხედავთ, რომ რამდენიმე მცირე ჯგუფი ტყეში გადადის. ჩვენ ვერ ვხედავთ, რომ ეს არის ყველაზე დიდი გამოწვევა და უსაფრთხოების დიდი გამოწვევა. რა თქმა უნდა, ეს გამოიწვევს გარკვეულ გამოწვევებს და სირთულეებს, მაგრამ არა ასეთი მასშტაბის", - აღნიშნა ჰაჯიევმა. ყარაბაღში მცხოვრებმა სომხებმა ხუთშაბათს განაცხადეს, რომ იარაღის დაყრამდე მათ უსაფრთხოების გარანტიები სჭირდებოდათ.