მამუკა მდინარაძე - ეროვნული ბანკი ჩამოიშლებოდა, საბჭოს წევრები რომ არ აგვერჩია - სებ-ში რომ რუსული კავშირები იყოს, დღესვე ჩამოშლიდნენ

ეროვნულ ბანკში რომ რუსული კავშირები იყოს, დღესვე ჩამოშლიდნენ, არც რუსეთის და არც თუნდაც სხვა მიმართულებიდან აგენტურაა საქართველოს კეთილდღეობაზე მოწოდებული - არ მგონია, ამ მიმართულებით პრობლემა იყოს, დანარჩენი კანდიდატებზე პრეზიდენტს კითხეთ, - ამის შესახებ ფრაქცია “ქართული ოცნების" თავმჯდომარემ, მამუკა მდინარაძემ განაცხადა, რითაც უპასუხა კითხვას ეროვნული ბანკის საბჭოში არჩეული ნანა ყეინიშვილთან დაკავშირებით არსებულ ინფორმაციაზე მისი და მისი ოჯახის წევრების რუსული კავშირების შესახებ.

მდინარაძე აცხადებს, რომ კანდიდატების არჩევის მოტივაცია მათთვის იყო, რომ არ ჩამოშლილიყო ფინანსური სისტემა და ნებისმიერს აირჩევდნენ, თუ არ იქნებოდა მოლოდინი, რომ ისინიც გადადგებოდნენ კრიტიკულ დროს.

„ეროვნული ბანკი ჩამოიშლებოდა, რომ არ აგვერჩია საბჭოს წევრები, ნებისმიერს ავირჩევდით, თუ მოლოდინი არ იქნებოდა, რომ გაიწეოდნენ ისევე, როგორც სებ-ის 3 თანამშრომელი გაიწია და საბოტაჟს შეუწყო ხელი, ამის გარდა ჩვენ არაფერი გვაინტერესებდა ამ მომენტში. დანარჩენი, თუ ეს ასეა, რასაც ჰყვებით, როგორც წესი არ არის ხოლმე, მაგრამ დავანებოთ ამას თავი და მართალიც რომ იყოს, ასე თუა, პრეზიდენტთან უნდა დასვათ ეს კითხვები. დარწმუნებული ვარ ამაზე პრეზიდენტთან არც ერთი კითხვა არ დაგისვამთ. მე არ ვიცი, ასეა თუ არა. არ მგონია, ამ მიმართულებით პრობლემა რომ იყოს, ეროვნულ ბანკში რომ რუსული კავშირები იყოს, დღესვე ჩამოშლიდნენ ბანკს, არც რუსეთის და არც თუნდაც სხვა მიმართულებიდან აგენტურაა საქართველოს კეთილდღეობაზე მოწოდებული, ამიტომ არ მგონია, მსგავსი რისკები იყოს, მაგრამ არ „მგონიაზე“ ნუ გავივლით. ჩვენთვის მოტივაცია იყო საქართველოს ფინანსური სისტემა არ ჩამოშლილიყო, დანარჩენი კითხვები არის პრეზიდენტთან. თუ მართლა მსგავსი, არათუ ის, რასაც თქვენ ჰყვებით, მსგავსი პრობლემები არსებობს, მიბრძანდით და კითხეთ პრეზიდენტს,"- განაცხადა მდინარაძემ.

ინფორმაციისთვის, ეროვნული ბანკის საბჭოს არსებულ ორ ვაკანტურ ადგილზე პარლამენტმა ხმათა უმრავლესობით ნანა ყეინიშვილი და თეიმურაზ ხომერიკი აირჩია.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024