პარლამენტთან აქტივისტებმა ბუშტებით საპროტესტო ბანერი გაუშვეს
პარლამენტთან მიმდინარე აქციაზე “ლელოს” ახალგაზრდული ფრთის წარმომადგენლებმა სიმბოლურად ყვითელი ბუშტები გაუშვეს.
აქტივისტებს ეჭირათ პლაკატი წარწერით - “რუსეთის აგენტებით სავსე ხელისუფლება”, რომელზეც ასევე გამოსახულნი იყვნენ: ყოფილი პრემიერ-მინისტრი ბიძინა ივანიშვილი; ეროვნული ბანკის პრეზიდენტის მოვალეობის შემსრულებელი ნათია თურნავა; იუსტიციის მინისტრი რატი ბრეგაძე; კულტურის მინისტრი თეა წულუკიანი; შს მინისტრი ვახტანგ გომელაური; „ქართული ოცნების“ აღმასრულებელი მდივანი მამუკა მდინარაძე, ინფრასტრუქტურის მინისტრი ირაკლი ქარსელაძე; პრემიერ-მინისტრი ირაკლი ღარიბაშვილი; განათლების მინისტრი გიორგი ამილახვარი; თავდაცვის მინისტრი ჯუანშერ ბურჭულაძე; ყოფილი გენერალური პროკურორი ოთარ ფარცხალაძე; „ქართული ოცნების“ თავმჯდომარე ირაკლი კობახიძე და ვანო ჩხარტიშვილი.
პარალელურად, პარლამენტში “მინისტრის საათის” ფორმატში შს მინისტრი ვახტანგ გომელაური გამოდის.
აქტივისტები აცხადებენ, რომ ყოფილი გენერალური პროკურორი ოთარ ფარცხალაძე, რომელიც რუსეთთან ჯაშუშობისთვის აშშ-მ დაასანქცირა, უნდა დააკავონ. პარლამენტთან იმყოფება პოლიცია.
