ანჯეი დუდა - არ მჯერა, რომ მარცვლეულის შესახებ დავამ შეიძლება დიდი გავლენა მოახდინოს პოლონეთ-უკრაინის სამომავლო ურთიერთობებზე

მარცვლეულთან დაკავშირებულ დავას უკრაინასთან ურთიერთობებზე სერიოზული გავლენა არ ექნება. ამის შესახებ პოლონეთის პრეზიდენტმა ანჯეი დუდამ ქალაქ პოზნანში უკრაინის აღდგენის შესახებ გამართულ კონგრესზე სიტყვით გამოსვლისას ისაუბრა.

ანჯეი დუდამ პოლონეთში უკრაინული მარცვლეულის იმპორტთან დაკავშირებული დავა უმნიშვნელოდ შეაფასა და განაცხადა, რომ ეს ორ სახელმწიფოს შორის ურთიერთობებს სერიოზულ ზიანს არ მიაყენებს.

„ეჭვი არ მეპარება, რომ პოლონეთის ბაზრისთვის უკრაინული მარცვლეულის მიწოდების შესახებ დავა უმნიშვნელოა პოლონეთ-უკრაინის ზოგად ურთიერთობებში. არ მჯერა, რომ ამან შეიძლება დიდი გავლენა მოახდინოს სამომავლო ურთიერთობებზე. ეს ის საკითხია, რომელიც ჩვენ ერთმანეთთან საუბრით უნდა გადავწყვიტოთ“, - აღნიშნა ანჯეი დუდამ სიტყვით გამოსვლისას.

შეგახსენებთ, რომ მარცვლეულის იმპორტთან წარმოქმნილი დავის გამო ბოლო დროს პოლონეთ-უკრაინის ურთიერთობები დაიძაბა. მიმდინარე წლის სექტემბრის თვის დასაწყისში პოლონეთმა გადაწყვიტა შეენარჩუნებინა ემბარგო უკრაინულ სოფლის მეურნეობის პროდუქტებზე, იმის გამო, რომ უკრაინიდან ხორბლისა და სიმინდის იმპორტს შეიძლება სერიოზული ზიანი მიეყენებინა ადგილობრივი სოფლის მეურნეობისთვის.

უკრაინამ პოლონეთის მიერ სოფლის მეურნეობის პროდუქციის იმპორტზე აკრძალვა მსოფლიო სავაჭრო ორგანიზაციაში გაასაჩივრა.

დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი