მედია - ჯო ბაიდენმა ვოლოდიმირ ზელენსკის განუცხადა, რომ აშშ უკრაინას მცირე რაოდენობით ATACMS რაკეტებს გადასცემს

ამერიკის შეერთებული შტატების პრეზიდენტმა ჯო ბაიდენმა უკრაინელ კოლეგას ვოლოდიმირ ზელენსკის განუცხადა, რომ აშშ უკრაინას მცირე რაოდენობით ATACMS-ის რაკეტებს გადასცემს.

ამის შესახებ ინფორმაციას NBC News-ი კონგრესში აღნიშნულ საკითხთან დაახლოებულ ოფიციალურ პირებზე დაყრდნობით ავრცელებს.

ამერიკელ ოფიციალურ პირებს, რომლებსაც საჯაროდ საუბრის უფლება არ აქვთ, არ დაუკონკრეტებიათ, თუ როდის მიიღებს უკრაინა შორ მანძილზე მოქმედ რაკეტებს ან როდის გააკეთებენ მხარეები რაკეტების გადაცემის შესახებ საჯარო განცხადებას.

რამდენიმე თვეა უკრაინა ATACMS-ის რაკეტების გადაცემას ითხოვს, რომელიც კიევს იმის შესაძლებლობას მისცემს, რომ სამიზნეებს 180 მილის მანძილზე დაესხას თავს, დარტყმა მიაყენოს რკინიგზას და ფრონტის ხაზს მიღმა რუსეთის კონტროლის ზონებს.

როგორც მედია წერს, ვაშინგტონში ოფიციალური პირების ნაწილი ეწინააღმდეგება ATACMS-ის რაკეტების უკრაინისთვის მიწოდებას, იმის შიშით, რომ ეს კიდევ უფრო მეტად გაზრდის რუსეთთან ომის საზღვრებს.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
გიორგი ცუცქირიძე - ლარის კურსის ვარდნა ეკონომიკაში ფუნდამენტურ ცვლილებებს არ უკავშირდება და აჟიოტაჟის შედეგი იყო
ქართული პრესის მიმოხილვა 13.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი