გერმანიაში ბრალი წაუყენეს სამ პირს, რომელთაც საქართველოს მოქალაქე ცოლ-ქმარზე იძალადეს.

გერმანული მედიის ინფორმაციით, უშუალოდ ფაქტი სამი თვის წინ ერთ-ერთ პარკში მოხდა. მედია თვითმხილველებზე დაყრდნობით წერს, რომ თავდამსხმელებმა კაცი ჯოხებით და მუშტებით სცემეს, ქალი კი გააუპატიურეს.

პროკურატურამ სავარაუდო მოწმედ 47 ადამიანი დაასახელა.

სამ მამაკაცს ბრალი ჯგუფურად გაუპატიურებაში, სხეულის მძიმე დაზიანებასა და ქურდობაში ედებათ.

მედიის ინფორმაციით, თავდამსხმელებს კავშირი ჰქონდათ ნარკოტიკების გასაღებასთან.