სამხრეთ კორეამ ბოლო დროის ყველაზე მასშტაბური სამხედრო აღლუმი ჩაატარა, რომლის მიზანსაც ჩრდილოეთ კორეიდან მომავალი საფრთხეების საპასუხოდ სამხედრო არსენალის დემონსტრირება წარმოადგენდა.

Reuters-ის ცნობით, სამხედრო აღლუმზე გამოტანილ ტექნიკას შორის ბალისტიკური რაკეტები და საბრძოლო ვერტმფრენებიც იყო. მასშტაბური მსვლელობა სამხრეთ კორეის შეიარაღებული ძალების დღეს გაიმართა.

აღლუმში მონაწილეობას 300 ამერიკელი ჯარისკაციც იღებდა. სამხრეთ კორეაში აშშ-ის სამხედრო ბაზაზე სულ 28 500 ამერიკელი ჯარისკაცი იმყოფება.