როგორ შევიძინოთ ავიაბილეთები ყველაზე იაფად?
მოგზაურობა ყველასათვის სასიამოვნო და ამაღელვებელი გამოცდილებაა. მოინახულო მსოფლიოს სხვადასხვა ქვეყანა, გაეცნო მათ ისტორიასა და კულტურას და დააგემოვნო ტრადიციული კერძები, რომლებიც დედამიწის ყველა კუთხეს გამორჩეულსა და იდუმალს ხდის, ნამდვილად დაუვიწყარ მოგონებებად რჩება ყველა მოგზაურის გონებაში.
რა თქმა უნდა, ეს ყოველივე ფინანსებთანაა დაკავშირებული და ბევრი ადამიანი სწორედ ამის გამო იკავებს თავს საოცნებო მოგზაურობაში წასვლისგან. თუმცა, არსებობს რამდენიმე მარტივი გზა იმისათვის, რომ ეს ოცნება რეალობად იქცეს და ამისათვის სულაც არ არის საჭირო დიდი თანხების გამოყოფა.
გასწავლით მარტივ ხრიკებს, თუ როგორ შეიძინოთ ავიაბილეთები იაფად და მოინახულოთ თქვენი საოცნებო ქვეყნები და ქალაქები შედარებით ბიუჯეტურ ფასად. ეს იმაზე ადვილი და ხელმისაწვდომია, ვიდრე წარმოგიდგენიათ!
- შეიძინეთ ავიაბილეთები წინასწარ
პირველ რიგში, უნდა იცოდეთ, რომ ავიაკომპანიები და სააგენტოები ავიაბილეთებზე ყველაზე დაბალ ფასს გამგზავრებამდე 1.5-2 თვით ადრე გვთავაზობენ. როდესაც ფრენამდე ცოტა დროა დარჩენილი, ადგილების რაოდენობა მცირდება და შესაბამისად ავიაბილეთების საფასურიც იზრდება.
- აირჩიეთ დაბალბიუჯეტიანი ავიაკომპანიები
იაფი ავიაბილეთების შეძენისთვის არჩევანი დაბალბიუჯეტიან ავიაკომპანიაზე შეაჩერეთ. ეს არის ერთ-ერთი საუკეთესო გზა სამოგზაურო ხარჯების შესამცირებლად. სწორედ მათი დამსახურებაა, რომ დღეს მოგზაურობა ფუფუნების საგანს აღარ წარმოადგენს.
ყველასათვის ცნობილია, რომ საქართველოს ავიაბაზარზე ერთ-ერთი ყველაზე დაბალბიუჯეტიანი ავიაკომპანია Wizz Air -ია და ის პირდაპირ ფრენებს ქუთაისის აეროპორტი -დან მსოფლიოს უამრავი მოთხოვნადი მიმართულებით გვთავაზობს.
- მოქნილი გრაფიკი მნიშვნელოვანია
გირჩევთ, არ შეიზღუდოთ თავი თარიღებში და აუცილებლად გადაამოწმეოთ სამოგზაურო პერიოდთან ახლომდებარე დღეები. დიდი შანსია რომ რამდენიმე დღით ადრე ან მოგვიანებით, შედარებით დაბალი ფასად მოიძიოთ ავიაბილეთები. ასევე გირჩევთ, რომ ფრენა დაგეგმოთ კვირის სამუშაო დღეს, მაგალითად სამშაბათს ან ოთხშაბათს და არა შაბათ-კვირას, ამ დროს მგზავრობაზე მოთხოვნა ნაკლებია და ავიაბილეთების იაფად შეძენის შანსი კი - მეტი.
- უარი თქვით ჩასაბარებელ ბარგზე
კარგი იქნება, თუ მოგზაურობისას თან მხოლოდ ხელბარგს წაიღებთ. ეს საგრძნობლად შეამცირებს თქვენს ხარჯებს, რადგან ხშირად, დამატებითი ბარგის საფასური
ავიაბილეთების ღირებულებაზე მეტიც კი შეიძლება იყოს.
- ავიაბილეთების მოსაძებნად გამოიყენეთ საძიებო სისტემა
ავიაბილეთების მოძიებისას ერთ-ერთი მნიშვნელოვანი ფაქტორი საძიებო სისტემის გამოყენებაა და არა რომელიმე კონკრეტული ავიაკომპანიის ვებ-გვერდის. ეს საშუალებას მოგცემთ ერთ სივრცეში მოუყაროთ თავი ყველა ავიაკომპანიისა და სააგენტოს შემოთავაზებას, რაც გაგიმარტივებთ მოგზაურობის დაგეგმვას და დაგიზოვავთ დროს.
არსებობს უამრავი უცხოური თუ ქართული საძიებო სისტემა, თუმცა მნიშვნელოვანია გამოიყენოთ ისეთი, რომელიც რამდენიმე წამში შემოგთავაზებთ ყველა არსებულ ავიარეისს ფასებისა და თარიღების გათვალისწინებით.
შეარჩიეთ ავიაბილეთები avia.ge-ს საძიებო სისტემის დახმარებით და გაიმარტივეთ მოგზაურობის დაგეგმვის პროცესი სახლიდან გაუსვლელად. თქვენ შეძლებთ ფილტრაცია მოახდინოთ ფასების, ავიაკომპანიების, აეროპორტებისა და სააგენტოების მიხედვით და არჩევანი თქვენთვის სასურველზე შეაჩეროთ.
(R)
v-if="article.gallery" v-html="article.gallery"
