აშშ-ის სახელმწიფო დეპარტამენტი - აშშ მუშაობს მოკავშირეებთან, რათა უზრუნველყოს ყარაბაღში საერთაშორისო მისიის გაგზავნა - რუსეთმა აჩვენა, რომ ის არ არის პარტნიორი, რომელსაც შეიძლება დაეყრდნო

აშშ თვლის, რომ უნდა არსებობდეს საერთაშორისო მისია, რათა უზრუნველყოს მთიანი ყარაბაღის მცხოვრებლებისთვის გამჭვირვალობა და სანდოობა, - ამის შესახებ განაცხადა აშშ-ის სახელმწიფო დეპარტამენტის პრესსპიკერმა მეთიუ მილერმა პრესკონფერენციაზე.

„მიგვაჩნია, რომ უნდა არსებობდეს საერთაშორისო მისია, რათა უზრუნველყოს გამჭვირვალობა, სიმშვიდე და სანდოობა მთიანი ყარაბაღის მცხოვრებლებისა და საერთაშორისო საზოგადოებისთვის, რომ მათი უფლებები და უსაფრთხოება დაცული იქნება იმ საჯარო განცხადებების შესაბამისად, რომელიც აზერბაიჯანმა გააკეთა“, - აღნიშნა მილერმა.

მისივე თქმით, აშშ მუშაობს მოკავშირეებთან და პარტნიორებთან ერთად იმისთვის, რომ ასეთი მისიის შექმნა უზრუნველყონ.

ამასთან, სომხეთის პრემიერ-მინისტრ ნიკოლ ფაშინიანის სიტყვებზე კომენტირებისას, რომ მოსკოვმა ვერ შეძლო ერევნის დაცვა კოლექტიური უსაფრთხოების ხელშეკრულების ორგანიზაციაში მოკავშირის სტატუსის მიუხედავად, მეთიუ მილერმა განაცხადა, რომ რუსეთის ფედერაციამ „აჩვენა, რომ ის არ არის უსაფრთხოების სფეროში ის პარტნიორი, რომელსაც შეიძლება დაეყრდნო".

სტეპან გრიგორიანი - უახლოეს 2-3 თვეში არსებობს იმის შანსი, რომ თურქეთ-სომხეთის საზღვარი მესამე ქვეყნის მოქალაქეებისა და დიპლომატებისთვის გაიხსნას
ქართული პრესის მიმოხილვა 24.06.2024
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
კახა ოქრიაშვილი - საქართველოსთვის ევროკავშირის კანდიდატი ქვეყნის სტატუსი გაყინულია, რაც იმას ნიშნავს, რომ გაყინულია პერსპეტივა ქართველი მასწავლებლის საშუალო ხელფასი 4 500 ლარი გახდეს
კახა ოქრიაშვილი - 2016 წელს 2 მილიონი „ოცნებას“ გადავუხადე თუ პირადად ბატონ ივანიშვილს?