ნათია თურნავა - ზეწოლაა, როდესაც მოგვიწოდებენ: „დატოვეთ იქაურობა, გადადექით, დაე, გაჩერდეს ეროვნული ბანკი“ - არც გადაწყვეტილების მიღების და არც გაუქმების დროს, არასდროს ვიხელმძღვანელებთ გარედან ზეწოლით

გადაწყვეტილების მიღების დროს, არც გაუქმების დროს, არასდროს ვიხელმძღვანელებთ ასე გარედან ზეწოლით - არც მიღებული იყო ზეწოლით და არც გადაიხედება და გაუქმდება ვინმეს საჯარო მოწოდების გზით, - ამის შესახებ ეროვნული ბანკის პრეზიდენტმა, ნათია თურნავამ „პალიტრანიუსის“ გადაცემა „თავისუფალ სტუდიაში“ განაცხადა, რითაც უპასუხა გავრცელებულ ცნობებზე დასმულ კითხვას, რომლის თანახმად, სებ-ის 100-მდე თანამშრომელი ყოფილი გენერალური პროკურორის, ოთარ ფარცხალაძის საკითხთან დაკავშირებით მიღებული გადაწყვეტილების გაუქმების მოთხოვნით, პეტიციას ქმნის.

როგორც თურნავამ აღნიშნა, პეტიციის შექმნასთან დაკავშირებული საკითხი სპეკულაციისა და ჭორის დონეზეა გავრცელებული და თუკი მისი თანამშრომლები დოკუმენტზე ხელის მოწერას გადაწყვეტდნენ, ამის გამოქვეყნება არ გაუჭირდებოდათ.

„ასეთი გამიზნული ტყუილები არის ეროვნულ ბანკზე ზეწოლა. ზეწოლა შეიძლება სხვადასხვა ფორმით ხორციელდებოდეს. ზეწოლა შეიძლება იყოს სხვადასხვა თანამდებობის პირის ან პოლიტიკოსისგან, როდესაც საჯაროდ გამოდის და ეროვნული ბანკის პრეზიდენტს და საბჭოს წევრებს მოუწოდებს, რომ „დატოვეთ იქაურობა, გადადექით და დაე, გაჩერდეს ეროვნული ბანკი“. ზეწოლა შეიძლება იყოს, როდესაც შენ ეროვნული ბანკის ხელმძღვანელობას მოუწოდებ, რომ გააუქმე შენი გადაწყვეტილება. ჩვენ ჩვენი გადაწყვეტილების მიღების დროს, არც გაუქმების დროს, არასდროს არ ვიხელმძღვანელებთ ასე გარედან ზეწოლით. არც მიღებული იყო ზეწოლით და არც გადაიხედება და გაუქმდება ვინმეს საჯარო მოწოდების გზით, მაგრამ კიდევ სხვა ზეწოლა არის, როდესაც შენ თანამშრომლებზე შენ მაქსიმალურად ზეწოლას ახდენ და მათ ფსიქიკაზე სხვადასხვა ფორმით ზემოქმედებ. ასეთი ცრუ ინფორმაციების გავრცელება, ეროვნული ბანკის გუნდისთვის ძალიან შეურაცხმყოფელია. თქვენ გინახავთ ხელმოწერილი პეტიცია? მე არ მინახავს და მე მგონი, ჩემს თანამშრომლებს, თუ ხელის მოწერას გადაწყვეტდნენ, ამის გამოქვეყნება არ გაუჭირდებოდათ. მათზე არავინ არასდროს არ ახდენს არანაირ ზეწოლას და ვერც მოახდენს ამ ნაწილში. მაგრამ იმაზე, რაც ჯერჯერობით ჭორის და სპეკულაციების დონეზე მოვისმინეთ, კომენტარს ვერ გავაკეთებ,“ - განაცხადა თურნავამ.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
გიორგი ცუცქირიძე - ლარის კურსის ვარდნა ეკონომიკაში ფუნდამენტურ ცვლილებებს არ უკავშირდება და აჟიოტაჟის შედეგი იყო
ქართული პრესის მიმოხილვა 13.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი