ნიუ-იორკის მოსამართლემ თაღლითობაში დონალდ ტრამპის პასუხისმგებლობა სცნო

ნიუ-იორკის მოსამართლემ დაადგინა, რომ აშშ-ის ყოფილმა პრეზიდენტმა, დონალდ ტრამპმა და მისმა ოჯახურმა ბიზნესმა თაღლითურად გაზარდა ტრამპის ქონებისა და სხვა აქტივების ღირებულება.

მედიის ინფორმაციით, მანჰეტენის ნიუ-იორკის შტატის სასამართლოს მოსამართლის, არტურ ენგორონის მკაცრი გადაწყვეტილება შტატის გენერალურ პროკურორს, ლეტიცია ჯეიმსს გაუადვილებს ზიანის ანაზღაურების დადგენას 2 ოქტომბერს დაგეგმილ სასამართლო პროცესზე.

ენგორონმა ასევე გასცა ბრძანება იმ სერტიფიკატების გაუქმების შესახებ, რომლებიც ტრამპის ზოგიერთ კომპანიას, მათ შორის Trump Organization-ს, ნიუ-იორკში ოპერირების საშუალებას აძლევდა.

მოსამართლემ აღწერა, თუ როგორ შეადგინეს აშშ-ის ყოფილმა პრეზიდენტმა, მისმა ვაჟებმა, დონალდ უმცროსმა და ერიკმა, ტრამპის ორგანიზაციამ და სხვა ბრალდებულებმა შეფასებები და გაზარდეს ტრამპის წმინდა მოგება თავიანთი ბიზნეს საჭიროებებისთვის.

ამასთან, დონალდ ტრამპი და სხვა ბრალდებულები ამტკიცებენ, რომ მათ თაღლითობა არასოდეს ჩაუდენიათ. ისინი ენგორონის გადაწყვეტილების გასაჩივრებას გეგმავენ.

„დღევანდელი აღმაშფოთებელი გადაწყვეტილება სრულიად მოწყვეტილია ფაქტებიდან. პრეზიდენტი ტრამპი და მისი ოჯახი ყველა არსებულ სააპელაციო საშუალებას გამოიყენებენ, რათა გამოასწორონ მართლმსაჯულების შეცდომა“, - განაცხადა ტრამპის ადვოკატმა კრისტოფერ კეისმა. ნიუ-იორკის მოსამართლის გადაწყვეტილებას გამოეხმაურა დონალდ ტრამპიც და ბრალდებებს იმის შესახებ, რომ მან თაღლითობა ჩაიდინა, სასაცილო და სიცრუე უწოდა.

„ეს არის დემოკრატების პოლიტიკური კანონი და კუდიანებზე ნადირობა ისეთ დონეზე, რომელიც აქამდე არ უნახავთ“, - წერს ტრამპი საკუთარ სოციალურ ქსელში, Truth Social-ში.მან და სხვა ბრალდებულებმა განაცხადეს, რომ შეუძლებელია სასამართლო პროცესისთვის მომზადება, რადგან არ იციან, რომელი საჩივრების წინააღმდეგ უნდა დაიცვან თავი. სააპელაციო სასამართლო, სავარაუდოდ, ამ კვირაში მიიღებს გადაწყვეტილებას სასამართლო პროცესის გადადების მოთხოვნის შესახებ.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი