აშშ-ის სახელმწიფო დეპარტამენტის სპიკერის, მეთიუ მილერის განცხადებით, რუსეთის წარმომადგენლობა გაერო-ს ადამიანის უფლებათა დაცვის საბჭოში, რომლიდანაც ის 2022 წლის გაზაფხულზე გარიცხეს, უკრაინაში მის ქმედებებს ეწინააღმდეგება, რადგან რუსეთი სამხედრო დანაშაულების ჩადენას აგრძელებს.

აღნიშნულის შესახებ მეთიუ მილერმა გაერო-ს ადამიანის უფლებათა დაცვის საბჭოში დაბრუნების რუსეთის მცდელობების კომენტირებისას განაცხადა.

„ჩვენ საკმაოდ მკაფიოდ წარვადგინეთ ჩვენი პოზიცია ადამიანის უფლებათა დაცვის საკითხში რუსეთის მიდგომის შესახებ. აშშ-ის სახელმწიფო მდივანმა მკაფიოდ განაცხადა, რომ ჩვენ ყველანი ვართ მოწმენი უკრაინაში რუსეთის მიერ ჩადენილი სამხედრო დანაშაულებისა და ასევე ადამიანობის წინააღმდეგ ჩადენილი დანაშაულებისა. ჩვენ მკაფიოდ გავაგებინეთ, რომ მათ მიერ ჩადენილ დანაშაულებზე, პასუხი უნდა აგონ და ამიტომ, რა საკვირველია, მივიჩნევ, რომ რუსეთის წარმომადგენლობა ორგანოში, რომელიც ადამიანის უფლებათა დაცვით არის დაკავებული, არ შეესაბამება მის ქმედებებს უკრაინაში”, - განაცხადა მილერმა.