გერმანიის თავდაცვის მინისტრი - ბალტიის ქვეყნებს ბერლინის იმედი შეიძლება ჰქონდეთ, როდესაც საუბარი რუსეთის ფედერაციის შეკავებას ეხება - ომში პუტინი ვერაგულ, დანაშაულებრივ და არაადამიანურ მეთოდებს იყენებს

გერმანიის თავდაცვის მინისტრის, ბორის პისტორიუსის განცხადებით, ბალტიის ქვეყნებს ბერლინის იმედი შეიძლება ჰქონდეთ, როდესაც საუბარი რუსეთის ფედერაციის შეკავებას ეხება.

აღნიშნულის შესახებ პისტორიუსმა თავდაცვის საკითხთა ყოველწლიურ ბალტიის კონფერენციაზე (ABCD) განაცხადა, რომელიც ესტონეთის დედაქალაქში, ტალინში, ტარდება.

გერმანიის თავდაცვის მინისტრის განცხადებით, ბალტიის რეგიონში ნატო-ს მოკავშირეები დარწმუნებულნი უნდა იყონ იმაში, რომ საჭიროების შემთხვევაში გერმანია მათ სამხედრო მხარდაჭერას გაუწევს.

„გერმანია იღებს თავის თავზე ამ ვალდებულებას. და გერმანია თავის თავზე ლიდერის როლსაც იღებს", - განაცხადა პისტორიუსმა.

მან ასევე დაადასტურა გერმანიის მთავრობის გადაწყვეტილება ლიეტუვაში ბუნდესვერის ბრიგადის განლაგების შესახებ, რომელიც ამ ქვეყნის ტერიტორიაზე 4 ათასი გერმანელი სამხედროს, მათი ოჯახის წევრების განთავსებას ითვალისწინებს და რომლის დეტალები ამა წლის ბოლომდე უნდა შეთანხმდეს.

გერმანიის თავდაცვის უწყების ხელმძღვანელმა უკრაინაც დაარწმუნა ბერლინის გრძელვადიან მხარდაჭერასა და რუსეთისგან დაცვაში, და ასევე გააფრთხილა შეკრებილები იმ საზარელ შედეგებზე, რომელიც შეიძლება დადგეს, თუ რუსეთის პრეზიდენტმა, ვლადიმერ პუტინმა თავის მიზნებს მიაღწია.

„ჩვენ უკრაინელების მხარეს ვიდგებით იმდენხანს, რამდენიც საჭირო იქნება. ომში პუტინი ვერაგულ, დანაშაულებრივ და არაადამიანურ მეთოდებს იყენებს", - დასძინა მან.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი