ვოლოდიმირ ზელენსკი - ვმუშაობთ იმისთვის, რომ ნატო-ში გაწევრიანების საკითხში პრაქტიკული პროგრესი გვქონდეს

უკრაინის პრეზიდენტის, ვოლოდიმირ ზელენსკის განცხადებით, უკრაინა იმსახურებს იმას, რომ ნატო-ს წევრი გახდეს.

"უკრაინა იმსახურებს, გახდეს ნატოს წევრი და აუცილებლად გახდება და ეს არ არის მხოლოდ ჩვენი უკრაინული ამბიცია - ეს არის ევროპის უსაფრთხოების ერთადერთი ეფექტური პერსპექტივა, რომელიც უზრუნველყოფს რეალურ გრძელვადიან მშვიდობას. ჩვენ ვმუშაობთ იმისთვის, რომ ალიანსში გაწევრიანების საკითხში პრაქტიკული პროგრესი გვქონდეს", - განაცხადა ზელენსკიმ ყოველდღიურ მიმართვაში, ნატო-ს გენერალურ მდივანთან, იენს სტოლტენბერგთან შეხვედრის შეფასებისას.

მისი თქმით, სტოლტენბერგთან დიალოგისას განიხილა უკრაინა-ნატო-ს საბჭოს ფორმატი. უკრაინის პრეზიდენტმა ასევე ისაუბრა საფრანგეთისა და გაერთიანებული სამეფოს თავდაცვის მინისტრებთან მოლაპარაკებების შედეგებზე. კერძოდ, განიხილეს უკრაინელი ჯარისკაცების გაძლიერება და ომის მოგების ზოგადი სტრატეგია.

ზელენსკის განცხადებით, არსებობს თანამშრომლობა უკრაინისა და მისი პარტნიორებისთვის საჭირო იარაღის ერთობლივ წარმოებაზე.

ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
Webster University Georgia-ს რექტორი ჟან პოლ ვან მარისინგი - უნივერსიტეტს აქვს პოტენციალი, რეგიონის საგანმანათლებლო ჰაბი გახდეს
ქართული პრესის მიმოხილვა 24.06.2024
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად