ჯო ბაიდენი - ახლა ამერიკაში რაღაც სახიფათო ხდება

აშშ-ის პრეზიდენტი, ჯო ბაიდენი ამომრჩევლებს მოუწოდებს, პრიორიტეტი ამერიკული ინსტიტუტების სიჯანსაღეს მიანიჭონ.

„ახლა ამერიკაში რაღაც სახიფათო ხდება. არსებობს ექსტრემისტული მოძრაობა, რომელიც არ იზიარებს ჩვენი დემოკრატიის ძირითად შეხედულებებს: მოძრაობა MAGA (გახადე ამერიკა კვლავ დიადი). ეჭვგარეშეა, რომ დღევანდელ "რესპუბლიკურ" პარტიას მართავენ და ემუქრებიან MAGA "რესპუბლიკელი" ექსტრემისტები და თუკი მათი უკიდურესი დღის წესრიგი განხორციელდება, ფუნდამენტურად შეცვლის ამერიკული დემოკრატიის ინსტიტუტებს", - განაცხადა ბაიდენმა არიზონაში სიტყვით გამოსვლისას.

პრეზიდენტმა აშშ-ის ყოფილი პრეზიდენტი, დონალდ ტრამპი გააკრიტიკა და განაცხადა, რომ იმედი აქვს, აშშ-ში თავისუფალი და სამართლიანი არჩევნები ჩატარდება.

„ტრამპი ამბობს, რომ კონსტიტუციამ მას უფლება მისცა, ეკეთებინა ის, რაც სურდა, როგორც პრეზიდენტს. არასოდეს მსმენია, რომ პრეზიდენტებს ეს ხუმრობითაც კი ეთქვათ. მჯერა თავისუფალი და სამართლიანი არჩევნებისა და ხელისუფლების მშვიდობიანი გადაცემის. მჯერა, რომ ამერიკაში არ არის ადგილი - სრულიად, სრულიად არ არის - პოლიტიკური ძალადობისთვის", - აღნიშნა ბაიდენმა .

სტეპან გრიგორიანი - უახლოეს 2-3 თვეში არსებობს იმის შანსი, რომ თურქეთ-სომხეთის საზღვარი მესამე ქვეყნის მოქალაქეებისა და დიპლომატებისთვის გაიხსნას
ქართული პრესის მიმოხილვა 24.06.2024
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
კახა ოქრიაშვილი - საქართველოსთვის ევროკავშირის კანდიდატი ქვეყნის სტატუსი გაყინულია, რაც იმას ნიშნავს, რომ გაყინულია პერსპეტივა ქართველი მასწავლებლის საშუალო ხელფასი 4 500 ლარი გახდეს
კახა ოქრიაშვილი - 2016 წელს 2 მილიონი „ოცნებას“ გადავუხადე თუ პირადად ბატონ ივანიშვილს?