უკრაინა ატომური ენერგიის საერთაშორისო სააგენტოს მმართველთა საბჭოში აირჩიეს

უკრაინა ატომური ენერგიის საერთაშორისო სააგენტოს (IAEA) მმართველთა საბჭოს ერთ-ერთ წევრად აირჩიეს, - ამის შესახებ სააგენტოს განცხადებაშია აღნიშნული.

სააგენტოს ცნობით, 35-წევრიანი საბჭოს ახლად არჩეული წევრები არიან ალჟირი, სომხეთი, ბანგლადეში, ბურკინა-ფასო, ეკვადორი, ინდონეზია, სამხრეთ კორეა, ნიდერლანდები, პარაგვაი, ესპანეთი და უკრაინა.

"მმართველთა საბჭო ატომური ენერგიის საერთაშორისო სააგენტოს ორი პოლიტიკის განმახორციელებელი ორგანოდან ერთ-ერთია“, - ნათქვამია განცხადებაში.

ატომური ენერგიის საერთაშორისო სააგენტოს მმართელთა საბჭოში უკრაინის არჩევის ფაქტს პრეზიდენტი ვოლოდიმირ ზელენსკიც გამოეხმაურა და განაცხადა, რომ ეს პოზიცია კიევს მისცემს "რეალურ შესაძლებლობებს" გავლენა მოახდინოს გადაწყვეტილებებზე, რომლებიც სავალდებულოა სააგენტოს ყველა წევრისა და მთელი საერთაშორისო საზოგადოებისთვის.

მისი თქმით, უკრაინა იმუშავებს 10-პუნქტიანი სამშვიდობო ფორმულის პირველი პუნქტის განხორციელებაზე, რომელიც ეხება „ბირთვულ და რადიაციულ უსაფრთხოებას“ და რომ კიევი ორიენტირებულია ზაპოროჟიეს ატომური ელექტროსადგურის რუსული ძალებისგან სრული გათავისუფლების უზრუნველყოფაზე.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024