უკრაინის თავდაცვის ძალებმა, გასული დღე-ღამის განმავლობაში, კიდევ 340 რუსი სამხედრო, რუსეთის კუთვნილი 34 საარტილერიო სისტემა და 34 დრონი გაანადგურეს.

ინფორმაციას უკრაინის შეიარაღებული ძალების გენერალური შტაბი ავრცელებს.

გენშტაბის ცნობით, უკრაინაში შეჭრის შემდეგ რუსეთის საერთო დანაკარგები მოიცავს: 277 660 ჯარისკაცს, 4 687 ტანკს, 8 972 ჯავშანტექნიკას, 6 409 ერთეულ საარტილერიო სისტემას, 315 საბრძოლო თვითმფრინავს და 316 ვერტმფრენს, 8 836 ავტომობილსა და საწვავის ავზს, 20 გემს/ნავს, 4 991 უპილოტო საფრენ აპარატს, 930 ერთეულ სპეცტექნიკას და 1 529 ფრთოსან რაკეტას.