პაკისტანის ბელუჯისტანის პროვინციაში რელიგიური მსვლელობის დროს მომხდარი აფეთქების შედეგად სულ მცირე 30 ადამიანი დაიღუპა და ათობით დაშავდა, - ინფორმაციას CNN-ი ავრცელებს.

ტელეკომპანიის ცნობით, ადგილობრივ ხელისუფლებაში ვარაუდობენ, რომ აფეთქება თვითმკვლელმა ტერორისტმა განახორციელა.

CNN-ს პროვინციის ინფორმაციის მინისტრმა, იან აჩაკზაიმ განუცხადა, რომ აფეთქება მასტუნგის რაიონში მოხდა, როდესაც ხალხი წინასწარმეტყველ მუჰამედის დაბადების დღის აღსანიშნავად იკრიბებოდა.

მომხდარზე პასუხისმგებლობა, ჯერჯერობით, არავის აუღია.