თბილისი საქართველოს მაღალი მოდის კვირეულს უმასპინძლებს

Georgia Couture Fashion Week-ის დამფუძნებლის, დიზაინერი თინათინ მაღალაშვილის ინფორმაციით, 30 სექტემბერს სასტუმრო „შერატონ გრანდ თბილისი მეტეხი პალასში“ მოდის მოყვარულებისთვის დიდი დღესასწაული იგეგმება.

მაღალაშვილის განცხადებით, Georgia Couture Fashion Week საერთაშორისო პლატფორმას მაღალი მოდის დიზაინერებისათვის წარმოადგენს.

აღნიშნულის შესახებ ინფორმაციას Georgia Couture Fashion Week-ის ორგანიზატორები ავრცელებენ.

მათივე ცნობით, ქართველი და სხვადასხვა ქვეყნიდან სპეციალურად ამ ჩვენებისთვის ჩამოსული მოდის მიმდევრები პოდიუმზე ქართველი და უცხოელი დიზაინერების უახლეს კოლექციებს იხილავენ.

კერძოდ: ფატუნა - საქართველო, ლაშა ჯოხაძე - საქართველო, თინათინ მაღალაშვილი - საქართველო, იოანა - საქართველო/საბერძნეთი, რუსლან ხვასტოვი - უკრაინა/შვეიცარია, ნატი რუდნიცკაია - უკრაინა, ევგენი ჰუდოროჟცოვი - მოლდოვა, აზამატ საინ-ყაზახეთი, კევორკ ნურ შადოიანი - სომხეთი.

„მოდის კვირეულის ფარგლებში 30 სექტემბერს და 1-ელ ოქტომბერს მასპინძელი სასტუმროს ფოიეში გაიმართება შოურუმი, სადაც წარმოდგენილი იქნება დიზაინერების მიერ შექმნილი აქსესუარების კოლექციები.

მოდის კვირეულის საერთაშორისო ფორმატიდან გამომდინარე საპატიო სტუმრების რანგში მოწვეული არიან ამერიკის, ჩეხეთის, უკრაინის, ყაზახეთს, სომხეთის, საბერძნეთის საელჩოების წარმომადგენლები.

ასევე, მოწვეულ სტუმართა შორის არიან ხელისუფლების წარმომადგენლები და ბიზნეს-სექტორი.

პროექტის პარტნიორები: „შერატონ გრანდ მეტეხი პალასი“, სასტუმრო “ველვეტი”, სილამაზის სალონების ქსელი ”მელანჟი” და “MAKE UP ATELIER GEORGIA“,“ - აღნიშნულია გავრცელებულ ინფორმაციაში.

სტეპან გრიგორიანი - უახლოეს 2-3 თვეში არსებობს იმის შანსი, რომ თურქეთ-სომხეთის საზღვარი მესამე ქვეყნის მოქალაქეებისა და დიპლომატებისთვის გაიხსნას
ქართული პრესის მიმოხილვა 24.06.2024
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
კახა ოქრიაშვილი - საქართველოსთვის ევროკავშირის კანდიდატი ქვეყნის სტატუსი გაყინულია, რაც იმას ნიშნავს, რომ გაყინულია პერსპეტივა ქართველი მასწავლებლის საშუალო ხელფასი 4 500 ლარი გახდეს
კახა ოქრიაშვილი - 2016 წელს 2 მილიონი „ოცნებას“ გადავუხადე თუ პირადად ბატონ ივანიშვილს?