გაერო-ს მისიის წევრები ყარაბაღში ჩავიდნენ, - ინფორმაციას აზერბაიჯანული მედია ავრცელებს.
მათივე ინფორმაციით, მისიის წევრებმა დილით აღდამი გაიარეს და ასგარან-ხანქენდის მიმართულებით დაიძრნენ.
აზერბაიჯანული მედია იუწყება, რომ მისიის მიზანია ადგილზე გაეცნონ სიტუაციას და დაადგინონ მოსახლეობის ჰუმანიტარული საჭიროებები. მასში შედიან გაერო-ს სხვადასხვა სააგენტოს წარმომადგენლები.
აღსანიშნავია, რომ ეს არის პირველი შემთხვევა ბოლო 30 წლის განმავლობაში, როდესაც საერთაშორისო ორგანიზაციამ რეგიონში წვდომა მოიპოვა.