შალვა პაპუაშვილი - საზოგადოებას ვთხოვ, გავიხსენოთ უცხოური დაფინანსების გამჭვირვალობის შესახებ პროექტი და ასევე, გაიხსენონ აქტორები, რომლებიც ჩართული იყვნენ კანონის მიღების ჩაშლაში - დღეს ვნახეთ, სად მიდის უცხოური დაფინანსება

„საზოგადოებას ვთხოვ, გავიხსენოთ უცხოური დაფინანსების გამჭვირვალობის შესახებ პროექტი და ასევე, გაიხსენონ აქტორები, რომლებიც ჩართული იყვნენ კანონის მიღების ჩაშლაში, რომ არ ყოფილიყო გამჭვირვალე“, – ამის შესახებ ჟურნალისტებს საქართველოს პარლამენტის თავმჯდომარემ, შალვა პაპუაშვილმა სახელმწიფო უსაფრთხოების სამსახურში გამართულ ბრიფინგსა და გამოქვეყნებულ მასალებთან დაკავშირებით განუცხადა.

როგორც პარლამენტის თავმჯდომარემ აღნიშნა, უცხოური დაფინანსების გამჭვირვალობის შესახებ კანონი რომ მიეღოთ, საზოგადოებას ეცოდინებოდა, სად მიდის უცხოური დაფინანსება.

„დღეს ვნახეთ, სად მიდის უცხოური დაფინანსება. ვინაიდან არ გვაქვს უცხოური დაფინანსების გამჭვირვალე სისტემა, ისეთი, როგორიც არსებობს ამერიკის შეერთებულ შტატებში, ამას საზოგადოება ვერ იგებს, ამის გაგება გვიწევს სუს-ის სპეციალური გამოძიების მიხედვით. ჩვენ რომ ის კანონი მიგვეღო, დღეს საზოგადოებას უკვე ზუსტად ეცოდინებოდა, რომ არსებობს ასეთი სახის ღონისძიებები, რომლებიც ამა თუ იმ ქვეყნიდან ფინანსდება. მაშინდელი ძალადობრივი აქციების ორგანიზატორებმა ქართველ ხალხს სწორედ ამ ინფორმაციის მიღების უფლება ჩამოართვეს“, – განაცხადა შალვა პაპუაშვილმა.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი