გაბრიელიუს ლანდსბერგისი - სხვა დიქტატორები და ავტორიტარული რეჟიმები ძალიან ყურადღებით აკვირდებიან, როგორი რეაგირება ექნება დასავლეთს უკრაინაში მიმდინარე გაჭიანურებულ ომთან დაკავშირებით

იმედი მაქვს, დღევანდელი შეხვედრა გაგზავნის ძალიან მკაფიო გზავნილს, რომ ევროპა უკრაინასთან არის მის გამარჯვებამდე, - ამის შესახებ ლიეტუვის საგარეო საქმეთა მინისტრმა, გაბრიელიუს ლანდსბერგისმა კიევში, ევროკავშირის არაფორმალური შეხვედრის დაწყებამდე ჟურნალისტებს განუცხადა.

"სხვა დიქტატორები, სხვა ავტორიტარული რეჟიმები ძალიან ყურადღებით აკვირდებიან, როგორი რეაგირება ექნება დასავლეთს უკრაინაში მიმდინარე გაჭიანურებულ ომთან დაკავშირებით. შევძლებთ თუ არა საერთო ძალების გაერთიანებას და ავტორიტარული რუსეთის მოგერიებას, რათა სხვებმაც გაითვალისწინონ ეს, თუ რაიმე გეგმები აქვთ“, - განმარტა ლანდსბერგისმა.

მისი თქმით, არასტაბილურობა და დაძაბულობა, რომელიც ახლა ბალკანეთში, სამხრეთ კავკასიასა და აფრიკის საჰელის რეგიონში შეინიშნება არ არის შემთხვევითი და ერთმანეთთან კავშირშია.

"არ ვფიქრობ, რომ არასტაბილურობა, რომელსაც ახლა ბალკანეთში, სამხრეთ კავკასიასა და საჰელის რეგიონში ვხედავთ, ცალკეული შემთხვევებია და ერთმანეთთან დაკავშირებული არაა, ვფიქრობ, ისინი ერთმანეთთან დაკავშირებულია და თუ ვერ მივაღწიეთ წარმატებას უკრაინის გამარჯვებაში, უფრო მეტს ვნახავთ", - აღნიშნა გაბრიელიუს ლანდსბერგისმა.

ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
ქართული პრესის მიმოხილვა 20.06.2024
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა