დანია მხარს უჭერს უკრაინის სამხედრო დახმარების ფონდის შექმნას, რომლის ოდენობაც 21 მილიარდი დოლარი იქნება და ევროპის სამშვიდობო ფონდის ფარგლებში მომდევნო ოთხი წლის განმავლობაში იმოქმედებს, - ამის შესახებ ინფორმაციას Ukrinform დანიის საგარეო საქმეთა მინისტრ ლარს ლოკე რასმუსენზე დაყრდნობით ავრცელებს.
„პრეზიდენტ ვოლოდიმირ ზელენსკის თხოვნით, ჩვენ ვიღებთ ცალკე პასუხისმგებლობას მიკოლაივისა და მთელი ოლქის აღდგენაზე", - განაცხადა რასმუსენმა კიევში ევროკავშირის საგარეო საქმეთა მინისტრების შეხვედრის წინ.
დანიის საგარეო საქმეთა მინისტრმა დაამატა, რომ ახალი დიპლომატიური ოფისი მიკოლაივში ხუთშაბათს ამოქმედდება.
რასმუსენმა ასევე აღნიშნა დანიის მიერ გაწეული წვლილი უკრაინის თავდაცვის გაძლიერებაში და ისაუბრა იმ დაპირების შესახებ, რომ დანია აუცილებლად უზრუნველყოფს F-16 გამანადგურებლებით კიევის საჰაერო შესაძლებლობების გაზრდას.