აშშ უკრაინისთვის დახმარების ახალ პაკეტს ამზადებს, - ამის შესახებ ინფორმაციას თეთრი სახლი ავრცელებს.
„ჩვენ მალე გამოვაცხადებთ უკრაინის დახმარების კიდევ ერთ პაკეტს, რათა გამოვხატოთ ჩვენი უცვლელი მხარდაჭერა უკრაინის მამაცი ხალხის მიმართ. თუ პუტინი ფიქრობს, რომ ჩვენზე დიდხანს გაძლებს, ის ცდება,” - განაცხადა თეთრი სახლის პრესმდივანმა კარინ ჟან-პიერმა.
თეთრი სახლის სპიკერმა აღნიშნა, რომ დახმარების ეს პაკეტი „იქნება სიგნალი" იმისა, რომ შეერთებული შტატები აგრძელებს უკრაინის მხარდაჭერას. მანვე დაამატა, რომ აშშ-ის პრეზიდენტის ჯო ბაიდენის ადმინისტრაცია დაეხმარება კიევს იმდენად, რამდენადაც ეს საჭიროა.