სლოვაკეთი რუსეთს საპარლამენტო არჩევნებში ჩარევაში ადანაშაულებს

სლოვაკეთის საგარეო საქმეთა სამინისტროს განცხადებით, რუსეთის ელჩი ბრატისლავაში დაიბარეს, რათა გადასცენ პროტესტი სლოვაკეთის საპარლამენტო არჩევნებში "მოსკოვის მიუღებელი ჩარევის გამო".

სლოვაკეთის საგარეო უწყების ეს გადაწყვეტილება რუსეთის ფედერაციის საგარეო დაზვერვის სამსახურის დირექტორის, სერგეი ნარიშკინის განცხადებამ გამოიწვია, რომელიც კენჭისყრის დღის წინ გამოქვეყნდა და სადაც აღნიშნული იყო, რომ შეერთებულმა შტატებმა სლოვაკეთის შიდა პოლიტიკურ ვითარებაში ჩარევა გაზარდა.

სლოვაკეთის საგარეო საქმეთა სამინისტროში აცხადებენ, რომ "რუსული დაზვერვის ცრუ განცხადება", "ეჭვქვეშ აყენებს ქვეყანაში თავისუფალი და დემოკრატიული არჩევნების პატიოსნად ჩატარებას".

„მიგვაჩნია, რომ ეს მიზანმიმართულად გავრცელებული დეზინფორმაცია არის რუსეთის ფედერაციის მიუღებელი ჩარევა სლოვაკეთის საარჩევნო პროცესში“, - აცხადებენ სლოვაკეთის საგარეო საქმეთა სამინისტროში. სლოვაკეთში რუსეთის საელჩომ ბრატისლავას ბრალდებები უარყო."კატეგორიულად უარვყოფთ სლოვაკეთის საარჩევნო პროცესში ჩარევის შესახებ რუსეთის მიმართ გაჟღერებულ ბრალდებებს“, - ნათქვამია საელჩოს განცხადებაში.

შეგახსენებთ, სლოვაკეთში საპარლამენტო არჩევნები 30 სექტემბერს ჩატარდა, რომელშიც ყოფილი პრემიერ-მინისტრის, რობერტო ფიკოს პარტიამ ყველაზე მეტი ხმები მოიპოვა. საარჩევნო კამპანიის დროს რობერტ ფიკო აცხადებდა, რომ თუ მისი პარტია მთავრობაში მოვიდოდა, სლოვაკეთი უკრაინისთვის საბრძოლო მასალის მიწოდებას აღარ გააგრძელებდა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024