ჩეხეთი და პოლონეთი სლოვაკეთის საზღვრის კვეთის დროს რეგულაციებს გაამკაცრებენ. Reuters-ის ინფორმაციით, ქვეყნებს შორის საზღვრის კვეთის დროს კონტროლი ოთხშაბათიდან გამკაცრდება და 10 დღის განმავლობაში გაგრძელდება.

ჩეხეთმა და პოლონეთმა აღნიშნული გადაწყვეტილება არალეგალური მიგრაციის ნაკადების შემცირების მიზნით მიიღეს.

გამოცემის ცნობით, ბალკანეთს რეგიონიდან სლოვაკეთის გავლით, დასავლეთ ევროპის ქვეყნებში მოხვედრას ასობით მიგრანტი ცდილობს. ბოლო 1 კვირის მანძილზე სლოვაკეთის საზღვრის უკანონოდ გადაკვეთა 550-ზე მეტმა არალეგალმა მიგრანტმა სცადა.