მოძრაობის თეატრში, „ევროპის უნივერსიტეტის" პოპჯგუფი „გამორჩEUლი” და ესტონეთის სიცოცხლის შემსწავლელ მეცნიერებათა უნივერსიტეტის კაპელა SoLeMiJo დღეს ერთობლივ კონცერტს გამართავენ.
ამის შესახებ ინფორმაციას „ევროპის უნივერსიტეტი“ ავრცელებს.
მათივე ინფორმაციით, ღონისძიებაზე კაპელა SoLeMiJo ესტონური რეპერტუარით იქნება წარმოდგენილი, ხოლო "ევროპის უნივერსიტეტის" პოპჯგუფი “გამორჩEUლი” შეასრულებს როგორც ქართულ, ასევე ცნობილ უცხოურ სიმღერებს.
„აღსანიშნავია, რომ "ევროპის უნივერსიტეტსა" და ესტონეთის სიცოცხლის შემსწავლელ მეცნიერებათა უნივერსიტეტს შორის, გაფორმებული ურთიერთთანამშრომლობის ფარგლებში მრავალი ერთობლივი კულტურული პროექტები ხორციელდება. ღონისძიება მუშთაიდის ბაღში (მოძრაობის თეატრში) 20:00 საათზე დაიწყება. დასწრება თავისუფალია“, - აღნიშნულია გავრცელებულ ინფორმაციაში.