ვლადიმერ პუტინი 12 ოქტომბერს ყირგიზეთს ეწვევა. ამის შესახებ ინფორმაციას ყირგიზეთის პრეზიდენტის აპარატის საგარეო პოლიტიკის დეპარტამენტის ხელმძღვანელი მურატბეკ აზიმბაკიევი ავრცელებს.
„ვიზიტის ფარგლებში დაგეგმილია ორმხრივი მოლაპარაკებები სადირ ჯაფაროვსა და ვლადიმერ პუტინს შორის. ქვეყნების ლიდერები აქტუალურ საკითხებს და თანამშრომლობის განვითარების პერსპექტივებს განიხილავენ. გარდა ამისა, დაგეგმილია, რომ სახელმწიფოების მეთაურები მონაწილეობას მიიღებენ საზეიმო ღონისძიებაში, რომელიც ქალაქ კანტში CSTO-ის საჰაერო ბაზის გახსნის 20 წლის იუბილეს მიეძღვნება“, - განაცხადა მურატბეკ აზიმბაკიევმა.
ცნობისთვის, რუსეთის პრეზიდენტის მიმართ საერთაშორისო სისხლის სამართლის სასამართლოს მიერ დაკავების ორდერია გაცემული, ხოლო ყირგიზეთს რომის სტატუსზე ხელი აქვს მოწერილი, მაგრამ მისი რატიფიცირება დღემდე არ მოუხდენია.