კახა კალაძე - ცდილობენ, ქვეყანაში მოაწყონ არეულობა, დაამხონ ხელისუფლება, მაგრამ არავის არაფერი გამოუვა - ვინც ეწინააღმდეგება კანონპროექტის ცვლილებას, წამსვლელია იმ სიბინძურეზე და პროვოკაციებზე, რაზეც სუს-ი საუბრობს

ეს არის ჩვეულებრივი პოლიტიკური სპეკულაციები, - ასე შეაფასა თბილისის მერმა, კახა კალაძემ „შეკრებებისა და მანიფესტაციების შესახებ“ კანონში დაგეგმილ ცვლილებებთან დაკავშირებით ოპოზიციის და ომბუდსმენის კრიტიკა, რომ „სახეზეა გამოხატვისა და შეკრების თავისუფლებაში ინტენსიური ჩარევა“.

კახა კალაძის განცხადებით, ოპოზიციის მიზანია, დაამხოს ხელისუფლება და ამას თავიანთი უცხოელი მეგობრების ჩართულობით სხვადასხვა მეთოდებით ცდილობენ.

„ყველა ის ადამიანი, პოლიტიკოსი, პოლიტიკური პარტია იქნება თუ არასამთავრობო, ვინც ეწინააღმდეგება აღნიშნული კანონპროექტის ცვლილებას, არის წამსვლელი იმ სიბინძურეზე და იმ პროვოკაციებზე, რაზეც შესაბამისი სამსახურების მხრიდან საუბარი იყო. მთავარი არის, რომ დავიცვათ ჩვენი ქვეყნის მოსახლეობის უსაფრთხოება, ვინც არ უნდა იყოს, არ აქვს მნიშვნელობა, ვიღაც შეიძლება აქციაზე იყოს და აქციას ატარებდეს, ყველას უსაფრთხოება უნდა იყოს დაცული. ამასთან დაკავშირებით განცხადებები გაკეთებულია. როგორც ნორმალურ, განვითარებულ, დემოკრატიულ ქვეყნებს შეეფარებათ, ხელისუფლების შეცვლა თუ გინდა, არჩევნების გზით უნდა მოხდეს. უნდა გქონდეს შენი ქვეყნის მოსახლეობის უმრავლესობის მხარდაჭერა. მათ ძალიან კარგად იციან, რომ ამის შანსი აქვთ ნული. არანაირი შესაძლებლობა არ აქვთ, რომ მოსახლეობის მხრიდან მხარდაჭერა ჰქონდეთ. ცდილობენ, ქვეყანაში მოაწყონ არეულობა, დაამხონ ხელისუფლება. ყველანაირი მეთოდებით აქვთ ამის გაკეთების მცდელობა თავიანთი უცხოელი მეგობრების ჩართულობით, მაგრამ არავის არაფერი გამოუვა. ჩვენ ჩვენს ქვეყანასაც დავიცავთ, ხალხსაც, ეროვნულ ინტერესებსაც და უსაფრთხოებასაც“, - განაცხადა კალაძემ.

ცნობისთვის, ომბუდსმენი მიიჩნევს, რომ წარმოდგენილი პროექტით სახეზეა გამოხატვის/შეკრების თავისუფლებაში ინტენსიური ჩარევა, რომელიც ზღუდავს აზრის გამოხატვას დროებითი კონსტრუქციების (მაგალითად, კარვის) გამოყენებით.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024