ვოლოდიმირ ზელენსკი - რუსეთმა მოლდოვას ატკინა, სცადა გაეტეხა, დაეყო საქართველო, ახრჩობს ბელარუსს, ცდილობს, უკრაინას ნაწილები მოგლიჯოს - ყველა სახელმწიფო, რომელმაც რუსეთის ჩარევა ან შეჭრა განიცადა, განსაკუთრებულ ერთიანობაში უნდა დავრჩეთ

ომების დაწყებითა და ომების გაყინვით რუსეთი ათწლეულების განმავლობაში ცდილობდა მეზობელ ქვეყნებზე კონტროლის შენარჩუნებას, - ამის შესახებ უკრაინის პრეზიდენტმა ვოლოდიმირ ზელენსკიმ ქალაქ გრანადაში ევროპული პოლიტიკური გაერთიანების სამიტზე განაცხადა.

ზელენსკის თქმით, ყველა ქვეყანა, რომლის წინააღმდეგაც რუსეთი მოქმედებს და ყველა სახელმწიფო, რომელმაც რუსეთის ჩარევა ან შეჭრა განიცადა, განსაკუთრებულ ერთიანობაში უნდა იყოს.

„ომების დაწყებითა და ომების გაყინვით რუსეთი ათწლეულების განმავლობაში ცდილობდა მეზობელ ქვეყნებზე კონტროლის შენარჩუნებას. რუსეთმა მოლდოვას ატკინა, სცადა გაეტეხა და დაეყო საქართველო, დესტაბილიზაცია მოეხდინა კავკასიის სხვა ნაწილებში, ახრჩობს ბელარუსს და ცდილობს უკრაინის სხეულიდან ნაწილები ამოგლიჯოს.

ყველა ქვეყანა, რომლის წინააღმდეგაც რუსეთი მოქმედებს ამა თუ იმ ფორმით, ყველა სახელმწიფო, რომელმაც რუსეთის ჩარევა ან შეჭრა განიცადა - ჩვენ ყველა განსაკუთრებულ ერთიანობაში უნდა დავრჩეთ, ერთად დავრჩეთ განსაკუთრებულ თანამშრომლობაში და განსაკუთრებულ ურთიერთობაში ყველა სხვასთან ევროკავშირში.

ჩვენ ყველას გვჭირდება ფორმატი, მხარდაჭერის ფორმატი ქვეყნებისთვის, რომელთა სიცოცხლის განადგურებას რუსეთი უკვე შეეცადა, რათა რუსეთის მიერ გამოწვეული ნანგრევები არასდროს სხვაგან აღარ გავრცელდეს”, - განაცხადა ზელენსკიმ.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი