მამუკა მდინარაძე - თურმე რამხელა იმედებს ამყარებენ რევოლუციის მოსურვეები კარვებზე - თან იტყუებიან, რომ კარვები და სხვა ასეთი კონსტრუქციები იკრძალება

თურმე რამხელა იმედებს ამყარებენ რევოლუციის მოსურვეები კარვებზე, - ამის შესახებ ფრაქცია „ქართული ოცნების“ თავმჯდომარემ, მამუკა მდინარაძემ პლენარულ სხდომაზე განაცხადა, სადაც „შეკრებისა და მანიფესტაციების შესახებ“ კანონში შესატანი ცვლილებების კანონპროექტის მეორე მოსმენით განხილვა მიმდინარეობს.

მდინარაძის თქმით, ოპოზიციის წარმომადგენლები იტყუებიან, როდესაც აცხადებენ, რომ კარვები და მსგავსი კონსტრუქციები იკრძალება.

მისივე თქმით, სპეციალური დათქმების შემთხვევაში იქნება კონსტრუქციების დემონტაჟი.

„რა გულმა უნდა გაგიძლოს, ირაკლი კობახიძეს მტყუანის პოზიციიდან ეკამათო კონსტიტუციაზე, ვერ წარმომიდგენია, მაგრამ ამას ახერხებენ პრეზიდენტის წარმომადგენლები. ახლა აქეთ რომ გადმოვიდეთ, თურმე რამხელა იმედებს ამყარებენ რევოლუციის მოსურვეები კარვებზე. ეს კარვები რასთან არის დაკავშირებული უახლესი ინფორმაციის თანახმად დადასტურდა მას შემდეგ, რაც დადასტურდა ჩანაწერები „კანვასის“ წარმომადგენლების მიერ ტრენინგების ჩატარების თაობაზე, უკვე ნათელი ხდება ყველაფერი.

თან იტყუებიან, რომ კარვები და სხვა ასეთი კონსტრუქციები იკრძალება. სპეციალური დათქმების შემთხვევაში იქნება დემონტაჟი. ტყუილია, რომ იკრძალება და ეს ტყუილი არ უნდა „გავუტაროთ“ და საზოგადოება არ უნდა მოვატყუებინოთ. უფრო მეტი ტყუილი და სპეკულაციურია, ვიდრე საუკუნის აფიორა „რუსულ კანონად“ წოდებული.

კანონპროექტის ამ გააფთრებული დაცვით, მტკიცდება, რომ ისინი უერთდებიან გეგმას, რომლის მიხედვითაც ვიღაცებს სურთ კარვებში განხორციელდეს ის, რაც სუს-მა წინასწარ გამოაქვეყნა, რომ მოხდეს ადამიანების აფეთქება და სიკვდილით პოლიტიკური ბენეფიტები მოიპოვონ. როდესაც ამ კანონს იცავთ, ცოტა წინ გაიხედეთ, რა აქვთ დაგეგმილი თქვენს თანამზრახველებს და შემდეგ, ასე გამალებით დაიცავით ეს კანონპროექტი“,- განაცხადა მდინარაძე.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
გიორგი ცუცქირიძე - ლარის კურსის ვარდნა ეკონომიკაში ფუნდამენტურ ცვლილებებს არ უკავშირდება და აჟიოტაჟის შედეგი იყო
ქართული პრესის მიმოხილვა 13.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი