დმიტრო კულება აცხადებს, რომ გრანადაში ვოლოდიმირ ზელენსკის მოლაპარაკებების საკვანძო საკითხი საჰაერო თავდაცვაა და უკვე არის კონკრეტული შეთანხმებები

გრანადაში უკრაინის პრეზიდენტის, ვოლოდიმირ ზელენსკის მოლაპარაკებების საკვანძო თემა საჰაერო თავდაცვაა, უკვე არის კონკრეტული შეთანხმებები. ამის შესახებ უკრაინის საგარეო საქმეთა მინისტრმა დმიტრო კულებამ განაცხადა.

მისი თქმით, კუპიანსკის რაიონის დღევანდელი დაბომბვის ფონზე, ესპანეთის ქალაქ გრანადაში ევროპული პოლიტიკური გაერთიანების სამიტზე უკრაინის პრეზიდენტი ვოლოდიმირ ზელენსკი უკრაინული საჰაერო თავდაცვის გაძლიერებაზე ფოკუსირდება.

“სამიტზე გადაწყვეტილებები ორმხრივ შეხვედრებზე მიიღება. პრეზიდენტმა რამდენიმე უკვე გამართა. რა თქმა უნდა, კუპიანსკის ტრაგედიის - მორიგი ტერორისტული თავდასხმისა და ჩვენი მოქალაქეები დაღუპვის ფონზე საკვანძო თემა არის საჰაერო თავდაცვა. საჰაერო თავდაცვა, საზენიტო კომპლექსები, მძიმე სისტემები, დრონების საწინააღმდეგო იარაღი, რადიოელექტრონული ბრძოლის საშუალებები - ყველაფერი ის, რაც საშუალებას მოგვცემს ამგვარი ტრაგედიები აღვკვეთოთ და რუსების მიერ ჩვენი მშვიდობიანი ქალაქებისა და სოფლების დაბომბვის შესაძლებლობა ჩავახშოთ”, - განაცხადა კულებამ.

მისი თქმით, უკრაინის პრეზიდენტს უკვე აქვს კონკრეტული შეთანხმებები, რომელთა გაჟღერებაც მას ჯერ არ შეუძლია.

“მაგრამ მეტი ასეთი სისტემა იქნება უკრაინაში პრეზიდენტის გრანადაში ვიზიტის შედეგად”, - განაცხადა კულებამ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024