სირიაში, სამხედრო აკადემიაზე დრონებით თავდასხმას მინიმუმ 100 ადამიანი ემსხვერპლა

სირიის ქალაქ ჰომსში სამხედრო აკადემიაზე დრონებით განხორციელებულ თავდასხმას სულ მცირე 100 ადამიანი ემსხვერპლა, - ინფორმაციას BBC-ი ავრცელებს.

გამოცემის ცნობით, ასაფეთქებელი ნივთიერებებით დატვირთული დრონების სამიზნე გამოსაშვები ცერემონია იყო, რომელსაც კურსანტების ოჯახები ესწრებოდნენ და დაღუპულებს შორის ქალები და ბავშვებიც არიან.

სირიის არმიაში აცხადებენ, რომ თავდასხმა განახორციელეს "ტერორისტულმა დაჯგუფებებმა, რომლებსაც მხარს უჭერენ ცნობილი საერთაშორისო ძალები".

ვარაუდობენ, რომ თავდასხმა განხორციელდა ჰომსის ჩრდილო-დასავლეთით ოპოზიციის მიერ კონტროლირებადი ტერიტორიებიდან.

„შეიარაღებული ძალები ამ ქმედებას უპრეცედენტო დანაშაულებრივ ქმედებად მიიჩნევს და ადასტურებს, რომ უპასუხებს ამ ტერორისტულ ჯგუფებს, სადაც არ უნდა იყვნენ ისინი“, - აღნიშნულია შეიარაღებული ძალების გენერალური სარდლობის განცხადებაში.

თავდასხმაზე პასუხისმგებლობა ჯერჯერობით არ აუღიათ ამბოხებულებსა და ჯიჰადისტებს, რომლებიც ქვეყანაში მიმდინარე სამოქალაქო ომში მთავრობას ებრძვიან.

სირიის ჯანდაცვის მინისტრის, ჰასან ალ-გაბაშის ინფორმაციით, თავდასხმის შედეგად 200-ზე მეტი ადამიანი დაშავდა, დაღუპულთა შორის კი ექვსი ქალი და ექვსი ბავშვია.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024