შალვა პაპუაშვილი - მოვუწოდებ USAID-ის, მარტივ კითხვაზე გულწრფელი პასუხი გასცენ - როდის გაიგეს, რომ 2020 წელს, ISFED-ის პარალელური დათვლის შედეგები იყო მცდარი და რატომ უმალავდნენ ამ ინფორმაციას ქართველ ხალხს

მოვუწოდებ USAID-ის, მარტივ კითხვაზე გულწრფელი პასუხი გასცენ - როდის გაიგეს, რომ 2020 წელს, ISFED-ის პარალელური დათვლის შედეგები იყო მცდარი და რატომ უმალავდნენ ამ ინფორმაციას ქართველ ხალხს, - ამის შესახებ საქართველოს პარლამენტის თავმჯდომარე შალვა პაპუაშვილმა 2020 წლის არჩევნებზე, ISFED-ის მიერ პარალელური დათვლის მონაცემებში დაფიქსირებულ უზუსტობაზე საუბრისას, ჟურნალისტებთან განაცხადა.

როგორც მან აღნიშნა, „ამ კითხვას პასუხი უნდა გაეცეს და ამას ვერავინ გაექცევა“.

„მე კიდევ ერთხელ შევახსენებ საზოგადოებას, რომ სამწუხაროდ, USAID-ის მხრიდან, ჩემი ბოლო განცხადების მიუხედავად, განმარტება ამ საკითხზე არ გაკეთებულა. სამწუხაროდ, მათთვის ეს არ არის პირველი სკანდალი. 2020 წელს, ISFED-ის მიერ პარალელური დათვლის ყალბი მონაცემების გავრცელება როცა მოხდა, ISFED-ის მაშინდელმა ხელმძღვანელმა, ელენე ნიჟარაძემ აღიარა, რომ USAID-მა, მისმა დონორმა, ეს ინფორმაცია ერთი თვით ადრე იცოდა, ვიდრე ის საჯარო გამჟღავნდებოდა. თუკი ეს სიმართლეა, კითხვა მარტივია - იცოდა თუ არა USAID-მა და საელჩომ და მეორე თუ იცოდნენ, რატომ უმალავდნენ ამ ინფორმაციას ქართველ ხალხს. თან იმ პირობებში, როდესაც აქ ძალადობრივი აქციები იმართებოდა. ამ კითხვაზე პასუხი უნდა გაეცეს და ამას ვერ გაექცევა ვერავინ. ამიტომ, მე მოვუწოდებ მათ, ის კეთილი სახელი, რომელიც ამერიკის დახმარებას აქვს საქართველოში და რომელსაც, სამწუხაროდ, თავადვე მიაყენეს ჩრდილი, საზოგადოებას და ხელისუფლებას გასცენ მარტივ კითხვაზე გულწრფელი პასუხი. 2020 წლის არჩევნების შემდეგ, როდის გაიგო USAID-მა, რომ პარალელური დათვლის შედეგები იყო მცდარი და რატომ უმალავდა ამ ინფორმაციას ქართველ ხალხს. თან იმ პირობებში, როდესაც ეს იყო ძალადობრივი აქციების საფუძველი,“ - განაცხადა შალვა პაპუაშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი