თეონა აქუბარდია  - „ნაციონალურ მოძრაობას“ „ორმეფობის“ ხანა უდგას - არჩევნებამდე ერთი წელია დარჩენილი, ამიტომ რაც უფრო სწრაფად ჩამოყალიბდებიან და დალაგდებიან, მათი ამომრჩევლისთვის უკეთესია

რასაც ვხედავთ არის ის, რომ „ნაციონალური მოძრაობა“ თავისთავად ორად არის გაყოფილი და „ორმეფობის“ ხანა უდგას - არჩევნებამდე არის ერთი წელი დარჩენილი, ამიტომ, რაც უფრო სწრაფად ჩამოყალიბდებიან და დალაგდებიან, მათი ამომრჩევლისთვის უკეთესია, - ამის შესახებ ოპოზიციონერმა დეპუტატმა „ნაციონალური მოძრაობის“ შიგნით შექმნილი ვითარების შეფასებისას განაცხადა.

როგორც აქუბარდიამ აღნიშნა, ის ფიქრობდა, რომ ნიკა მელია აქამდეც დატოვებდა პარტიას, რაც საბოლოო ჯამში „ნაციონალურ მოძრაობაში“ არსებულ „ორმეფობას“ დაასრულებდა.

მისივე თქმით, არჩევნებამდე ცოტა ხნით ადრე, პრიორიტეტი ის არის, რომ ოპოზიციურად განწყობილი ამომრჩევლების ხმები არ დაიკარგოს.

„სიმართლე გითხრათ, მე ნაკლებად მაინტერესებს ნიკა მელიას და ხაბეიშვილის ურთიერთდაპირისპირება, მათ შორის, სოციალური ქსელით. რასაც ვხედავთ, არის ის, რომ პარტია თავისთავად ორად არის გაყოფილი და „ორმეფობის“ ხანა უდგას „ნაციონალურ მოძრაობას“. რაც არ უნდა მიუღებელი იყოს ეს, მოცემულობაში ასეა და ფაქტია, რომ არჩევნებამდე არის ერთი წელი დარჩენილი, ამიტომ რაც უფრო სწრაფად ჩამოყალიბდებიან და დალაგდებიან, მათი ამომრჩევლისთვის უკეთესია. ჩემი ინტერესია, რომ რაც შეიძლება ნაკლები ხმა დაიკარგოს ოპოზიციურად განწყობილი ამომრჩევლის და ამით შევძლოთ ის, რომ „ქართული ოცნება“ არჩევნების გზით გავუშვათ ძალაუფლებიდან. სხვა დანარჩენი თვითონ გაარკვიონ. მათ ჰყავთ თავისი ამომრჩეველი, პარტიის მხარდამჭერები. მე არ ვყოფილვარ არასდროს „ნაციონალური მოძრაობის“, არც ამომრჩეველი, არც მხარდამჭერი, შესაბამისად, სხვა ინტერესი მე ამაში არ მაქვს. ველოდებოდი, რომ აქამდეც დატოვებდა ნიკა მელია პარტიას, მაგრამ ეს არის ნიკა მელიას გადასაწყვეტი. როგორც ჩანს, მას სხვა ტაქტიკა აქვს, სხვა მოლოდინები აქვს, თუმცა ცალსახად გეტყვით, რომ ნიკა მელია პოლიტიკურ პროცესში არის ძალა, ისევე როგორც საფრთხე, „ნაციონალური მოძრაობის“ მეორე ფრთისთვის. მის წასვლას ასევე „ნაციონალური მოძრაობის“ ძალიან ბევრი ყოფილი თანაგუნდელის გაყოლა მოჰყვება და ეს, საბოლოო ჯამში, დაასრულებს იმ „ორმეფობას“, რომელიც ამ პარტიაში არის ბოლო არჩევნების შემდგომ. მე არ ვფიქრობ, რომ მოცემულობა, რომელიც „ნაციონალურ მოძრაობაშია“, საბოლოო ჯამში, ასუსტებდეს მთლიან ბრძოლას, რასაც ძალაუფლებიდან „ქართული ოცნების“ გაშვება ჰქვია იმიტომ, რომ ამომრჩეველი, რომელიც არის კრიტიკულად განწყობილი, აუცილებლად წავა 2024-ში, იპოვის ძალას, იქნება ეს ხაბეიშვილის თუ მელიას ფრთა. უბრალოდ, რაც უფრო მალე დალაგდება ეს ამბავი, მით უკეთესი იქნება. ის, რომ „ნაციონალური მოძრაობის“ ამომრჩეველი წავა და ხმას „ქართულ ოცნებას“ მისცემს, ეს წარმოუდგენელია“,,- განაცხადა აქუბარდიამ.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი