ლიბანიდან ისრაელის მიმართულებით ცეცხლის გახსნაზე პასუხისმგებლობა "ჰეზბოლამ" აიღო

ისრაელის მიერ კოტროლირებად სამ სამიზნეზე თავდასხმაზე პასუხისმგებლობა ლიბანის სამხედრო დაჯგუფებამ და უდიდესმა პოლიტიკურმა პარტიამ "ჰეზბოლამ" აიღო.

როგორც მათ განცხადებაშია ნათქვამი, მათ საარტილერიო ჭურვები და მართვადი რაკეტები "ჰამასის" მიმართ "სოლიდარობის ნიშნად" გაისროლეს.

„ჩვენი გული თქვენთანაა. ჩვენი გონება თქვენთანაა. ჩვენი სულები თქვენთანაა. ჩვენი ისტორია, იარაღი და რაკეტები თქვენთანაა“, - აღნიშნა "ჰეზბოლას" მაღალჩინოსანმა ჰაშემ საფიედინმა ბეირუთში გამოსვლისას.

ისრაელის მედიის ცნობით, "ჰეზბოლას" ქმედებამ ახალი ელემენტი შეიტანა ბრძოლებში. ხოლო aljazeera წერს, რომ აღნიშნულმა ფაქტმა გააჩინა ფართო რეგიონული კონფლიქტის პერსპექტივა.

საპასუხოდ ისრაელის თავდაცვის ძალებმა ლიბანის ტერიტორიას არტილერიით დაარტყეს.

ისრაელში, "ჰამასის" თავდასხმის შედეგად სულ მცირე 700 ადამიანია დაღუპული და 2000-ზე მეტი კი დაჭრილი.

ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
გიორგი გობრონიძე - ხელისუფლება საზოგადოებასთან ბოლომდე გულწრფელი არ არის
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო