ისრაელის თავდაცვის ძალების ინფორმაციით, ამ დროისთვის მათი თვითმფრინავები ღაზას სექტორზე დარტყმებს აგრძელებენ, რათა „ჰამასის“ შესაძლებლობები გაანადგურონ, - ინფორმაციას ადგილობრივი მედია ავრცელებს.
მათივე ინფორმაციით, იმ სამიზნეებს შორის, რომელსაც ბოლო საათების განმავლობაში ისრაელმა დაარტყა, არის : რამდენიმე სამეთაურო პუნქტი, შენობა, სადაც განთავსებულია ჰამასის ოპერატორები, სამეთაურო ცენტრი, რომელსაც იყენებს ჰამასის საზღვაო ძალების მაღალი თანამდებობის პირი და აქტივი, რომელსაც „ჰამასი“ დაზვერვისთვის იყენებს.
შეგახსენებთ, შაბათს ისრაელზე „ჰამასმა“ თავდასხმა განახორციელა, როგორც ისრაელის მიმართულებით რაკეტების გასროლით, ასევე მებრძოლების შეტევით სახმელეთო, საჰაერო და საზღვაო გზით. ისრაელმა ღაზას სექტორზე საპასუხო იერიში მიიტანა. ბოლო მონაცემებით, "ჰამასის" თავდასხმის შედეგად დაღუპულთა რიცხვმა 700-ს გადააჭარბა. დაშავებულთა რაოდენობა კი 2 200-ს აღემატება. ღაზას ჯანდაცვის სამინისტროში კი აცხადებენ, რომ ისრაელის საჰაერო თავდასხმების შედეგად 413 ადამიანი დაიღუპა და 2 300 კი - დაიჭრა.