რუსეთის საგარეო უწყება - ერევნის გადაწყვეტილება, სისხლის სამართლის საერთაშორისო სასამართლოს რომის სტატუტს შეერთებოდა, არამეგობრული ნაბიჯია

მოსკოვი ერევნის გადაწყვეტილებას, სისხლის სამართლის საერთაშორისო სასამართლოს რომის სტატუტს შეერთებოდა არამეგობრულ ნაბიჯად მიიჩნევს, - ამის შესახებ რუსეთის ფედერაციის საგარეო საქმეთა მინისტრის მოადგილემ მიხაილ გალუზინმა განაცხადა.

„ჩვენი მოკავშირე სომხეთის მიერ რომის სტატუტის რატიფიცირება აბსოლუტურად არამეგობრულ ნაბიჯად მიგვაჩნია. მე აქ დიალოგის ადგილს ვერ ვხედავ", - განაცხადა გალუზინმა.

მისი თქმით, რუსეთის ფედერაცია მოელოდა, რომ სომხეთი რომის სტატუტის რატიფიცირებისგან თავს შეიკავებდა. გალუზინის მტკიცებით, სისხლის სამართლის საერთაშორისო სასამართლოს არაფერი აქვს საერთო მართლმსაჯულებასთან.

„ეს არის პოლიტიზებული პროდასავლური სტრუქტურა. ამ სასამართლომ რამდენიმე ხნის წინ გასცა რუსეთის უმაღლესი ხელმძღვანელობის წარმომადგენლების დაპატიმრების ორდერი. რა თქმა უნდა, ეს ორდერები იურიდიულად აბსოლუტურად ბათილია", - აღნიშნა გალუზინმა.

შეგახსენებთ, 3 ოქტომბერს სომხეთის პარლამენტმა სისხლის სამართლის საერთაშორისო სასამართლოს რომის სტატუტის რატიფიცირებას დაუჭირა მხარი.

ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
გიორგი გობრონიძე - ხელისუფლება საზოგადოებასთან ბოლომდე გულწრფელი არ არის
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო