„ჰამასის“ წარმომადგენელი - ტყვეების გაცვლაზე მოლაპარაკებების შანსი ამჟამად არ არსებობს

“ჰამასი” ტყვეთა გაცვლის შესახებ მოლაპარაკებებს არ გეგმავს, - The Times of Israel-ის ინფორმაციით, ამის შესახებ კატარში „ჰამასის“ პოლიტიკური ოფისის წევრმა განაცხადა.

”სამხედრო ოპერაცია ჯერ კიდევ გრძელდება, ამიტომ, ამჟამად არ არსებობს მოლაპარაკების შანსი ტყვეების გაცვლაზე, ან სხვა საკითხზე, ჩვენი მისიაა ახლა ყველა ღონე გამოვიყენოთ, რათა არ გაგრძელდეს ღაზაში ჩვენი ხალხის წინააღმდეგ ხოცვა-ჟლეტა,“ - განაცხადა „ჰამასის“ წარმომადგენელმა ჰუსამ ბადრანმა.

მანამდე გავრცელდა ინფორმაცია, რომ კატარი „ჰამასთან“ მძევლების თაობაზე მოლაპარაკებებს აწარმოებს და კატარის პრემიერ-მინისტრი კვირას „ჰამასის“ ლიდერებსაც შეხვდა.

ამასთან, "ჰამასი“ ისრაელის მიერ ღაზას დაბომბვის საპასუხოდ მძევლების სიკვდილით დასჯით დაიმუქრა. „ჩვენ ვაცხადებთ, რომ სამოქალაქო სახლების წინასწარი გაფრთხილების გარეშე მიზანში ამოღებას, სამწუხაროდ ერთ-ერთი სამოქალაქო ტყვის სიკვდილით დასჯა მოჰყვება, რომელსაც ჩვენ ვიზუალური და ხმოვანი საშუალებებით გადავცემთ“ , - განაცხადა ერთ-ერთი სამხედრო ფრთის პრესსპიკერმა, აბუ ობაიდამ.

ლევან ლორთქიფანიძე - დასავლეთის მკაცრი, მიზანმიმართული გადაწყვეტილებები, ივანიშვილს აგრძნობინებს, რომ მან ადრე ჩამოწერა აშშ და ევროკავშირი, რომ დასავლეთი არ აპირებს ხელი აიღოს თავის ინტერესებზე სამხრეთ კავკასიაში
ქართული პრესის მიმოხილვა 18.07.2024
კავკასიის ტექნოლოგიების სკოლა და კომპანია „პარვუს ჯგუფი“ აბიტურიენტებს და დაინტერესებულ პირებს ენერგეტიკისა და ელექტროინჟინერიის ახალი საბაკალავრო პროგრამის პრეზენტაციაზე იწვევს
კავკასიის მედიცინის ცენტრი JCI აკრედიტებული პირველი მულტიპროფილური რეფერალური ჰოსპიტალი გახდა ქვეყანაში
მეხუთე თაობის „სანტა ფე“ - მზად ნებისმიერი თავგადასავლისთვის