ბელგიელი ჟურნალისტები და ბლოგერები საქართველოს ტურისტულ პოტენციალს გაეცნენ

ევროკავშირის ქვეყნებიდან ტურისტული ნაკადების გაზრდის მიზნით ტურიზმის ეროვნულმა ადმინისტრაციამ ბელგიური მედიის 13 წარმომადგენელს უმასპინძლა.

ტურიზმის ეროვნული ადმინისტრაციის ინფორმაციით, პრესტურის ფარგლებში პოპულარული ბლოგერები, ინფლუენსერები და ჟურნალისტები საქართველოს შესახებ საერთაშორისო გამოცემებისთვის: Elle, Ken magazine, Marie-Claire, So Soir, De Standaard, Trends Style, Knack Weekend, Trends Tendance სტატიებს მოამზადებენ.

ტურის ფარგლებში სოციალურ ქსელებში განთავსდება ბლოგები, პოსტები, ვიდეორგოლები და სთორები. საქართველოს შესახებ ინფორმაცია ნიდერლანდურ, ფრანგულ და ინგლისურ ენებზე გავრცელდება.

„ბელგიური მედიის წარმომადგენლები ესტუმრნენ თბილისს, კახეთს, მცხეთა-მთიანეთსა და იმერეთს. ტურის მონაწილეებმა დაათვალიერეს მარნები, სადაც ღვინის დეგუსტაცია გაიმართა. სხვადასხვა რეგიონში მედიის წარმომადგენლებისთვის პურის ცხობისა და ჩურჩხელის მომზადების მასტერკლასები მოეწყო, ტურის მონაწილეები გაეცნენ ქართულ სამზარეულოს, კულტურას, არქიტექტურას, დაათვალიერეს ტურისტულად საინტერესო ადგილები“,- ნათქვამია ინფორმაციაში.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია