ოთარ შამუგია - თითოეული მევენახის ყურძენი სრულად იქნება დაბინავებული

გარემოს დაცვისა და სოფლის მეურნეობის მინისტრის, ოთარ შამუგიას განცხადებით, თითოეული მევენახის ყურძენი სრულად იქნება დაბინავებული. მან ჟურნალისტებთან "რთველი 2023" შეაფასა და ყველა მევენახეს დაზღვევის პროგრამის გამოყენებისკენ მოუწოდა.

„ჩვენთვის მნიშვნელოვანია, ხელი შევუწყოთ ჩვენს მევენახეებს, მეღვინეებს და ამისთვის სახელმწიფო ყველაფერს აკეთებს. სწორედ ამის შედეგია ის, რომ ღვინის ექსპორტი ყოველწლიურად მზარდია. ჩვენ შარშან რეკორდული რაოდენობის ღვინის ექსპორტი განვახორციელეთ. წელს, 9 თვის მონაცემებით, ზრდის საკმაოდ კარგ დინამიკას ვინარჩუნებთ. სწორედ ეს არის იმის საწინდარი, რომ ქართულ ღვინოზე მოთხოვნა გაიზარდოს და შემდგომში, ბაზარმა თვითონ დაარეგულიროს ეს საკითხი, რომ სახელმწიფოს აღარ მოუწიოს სუბსიდიის სახით ჩარევა. წელს სუბსიდიის მოცულობა შემცირდა. შარშან იყო 35 თეთრი და წელს 20 თეთრის ფარგლებში განხორციელდა სუბსიდირება. კახეთში რთველი ფაქტობრივად დასასრულისკენ მიდის. თითოეული მევენახის ყურძენი სრულად იქნება დაბინავებული. 210 ათას ტონამდე ყურძენი უკვე არის გადამუშავებული. იყო გამოწვევები სტიქიის სახით, დაახლოებით 6 ათას ჰექტრამდე ვენახი დაისეტყვა. ჩვენ ვდგავართ ჩვენი მევენახეების გვერდით და მათ ვეხმარებით ჰექტარზე 3500 ლარის ოდენობით, სადაც სრულად იქნა ვენახი დასეტყვილი. მინდა მოვუწოდო ყველას დაზღვევის პროგრამის გამოყენებისკენ. ეს არის ერთადერთი სწორი გზა იმისთვის, რომ ჩვენ ეს რისკები დავაზღვიოთ. თუმცა, არის ობიექტური მიზეზებიც, ზოგ შემთხვევაში მიწის რეგისტრაცია და სხვა, რომლის გამოც მევენახეები დაზღვევას ვერ ახერხებენ, ამიტომაც რადგან სტიქია ასეთი მასშტაბური იყო, გადაწყვეტილება მივიღეთ, მევენახეებს დავეხმაროთ, რომ მათ წარმოების გაგრძელება შეძლონ და შემდეგ წელს უკეთესი მოსავალი მიიღონ“,-განაცხადა შამუგიამ.

გარდა ამისა, მინისტრის განმარტებით, რაჭაში რთველი აქტიურ ფაზაშია და 300 ტონაზე მეტი ყურძენი გადამუშავდა.

„ჩვენ ახლაც ვეხმარებით ჩვენს მევენახეებს, ხორციელდება სუბსიდირება 4 ლარის ოდენობით იმ შემთხვევაში, თუ კერძო სექტორი არანაკლებ 7 ლარს გადაიხდის. დარწმუნებული ვარ, რაჭაში რთველი ასევე წარმატებულად ჩაივლის და დასრულდება“,-განაცხადა შამუგიამ.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის