„საქართველოს ბანკის“ მხარდაჭერითა და Product Community-ის ორგანიზებით, საქართველოში პირველად, Product Management-ზე ორიენტირებული კონფერენცია - ProdAct Conference 2023 - HOW? ჩატარდა, - ამის შესახებ ინფორმაციას „საქართველოს ბანკი“ ავრცელებს. ბანკის პრესსამსახურის ცნობით, ProdAct Conference 2023-ზე 30-ამდე საერთაშორისო სპიკერი იყო წარმოდგენილი, მათ შორის, ისეთი საერთაშორისო და ადგილობრივი კომპანიების წარმომადგენლები როგორებიცაა: Google, Spotify, Stanford, Miro, „საქართველოს ბანკი“ და სხვა.

„საქართველოს ბანკი“ როგორც ტექნოლოგიური კომპანია, ამ მიმართულებით საინტერესო ღონისძიებების პარტნიორობას და ხელშეწყობას აქტიური რეჟიმით აგრძელებს. სწორედ ამიტომ, „საქართველოს ბანკის“ მხარდაჭერითა და Product Community-ის ორგანიზებით, საქართველოში პირველად, Product Management-ზე ორიენტირებული კონფერენცია - ProdAct Conference 2023 - HOW? ჩატარდა.

ProdAct Conference 2023-ზე 30-ამდე საერთაშორისო სპიკერი იყო წარმოდგენილი, მათ შორის, ისეთი საერთაშორისო და ადგილობრივი კომპანიების წარმომადგენლები როგორებიცაა: Google, Spotify, Stanford, Miro, „საქართველოს ბანკი“ და სხვ. წამყვანი ქართული თუ საერთაშორისო კომპანიების წარმომადგენლებმა სტუმრებს პროდუქტის მენეჯმენტსა და ყველა იმ რგოლზე, რაც პროდუქტის შექმნისთვისაა საჭირო ცოდნა გაუზიარეს. ასევე Agile მეთოდოლოგიების ტრანსფორმაციული ძალა განიხილეს და იმსჯელეს მონაცემთა ანალიზზე დაყრდნობით მიღებული გადაწყვეტილებების მნიშვნელობაზე. ღონისძიებაზე მოსულ სტუმრებს შესაძლებლობა ჰქონდათ, პირადად შეხვედროდნენ ადამიანებს, რომლებიც მნიშვნელოვან როლს თამაშობენ ციფრულ ტრანსფორმაციაში. ღონისძიების მონაწილეებმა მონაწილეობა ასევე სტარტაპებისთვის განკუთვნილ კონკურსში მიიღეს, რომლის ფარგლებშიც, მათ ჟიურისა და პოტენციურ ინვესტორებს საკუთარი იდეები წარუდგინეს.

კონფერენციაზე მოწვეულ სპიკერებს შორის იყვნენ „საქართველოს ბანკის“ Digital Cluster Product Owner - ლუკა ქობალია, რომელმაც - „ Banking on innovation : The Story Behind Georgia’s Top Digital App”ისაუბრა. ამასთან, „საქართველოს ბანკის“ მარკეტინგის, ციფრული საბანკო მომსახურებისა და მომხმარებელთა კმაყოფილების მართვის მიმართულების ხელმძღვანელი - ლევან გომშიაშვილი, რომელმაც ისაუბრა - „A journey of integration: 20 awards One Bank, One Vision.“

„მოხარული ვართ, რომ ჩვენი მხარდაჭერით საქართველოში პირველად Product Management-ზე ორიენტირებული კონფერენცია ჩატარდა. „საქართველოს ბანკი“, როგორც ტექნოლოგიური ფინანსური ინსტიტუტი, აქტიურად უჭერს მხარს ამ სფეროს განვითარებას საქართველოში. „საქართველოს ბანკის“ სპიკერებმა ბანკის გამოცდილებაზე ისაუბრეს, თუ როგორ შეიქმნა ის პროდუქტები თუ ინტეგრაციები, რომლის მეშვეობითაც ბანკმა Global Finance-ის 20 პრესტიჟული ჯილდო მიიღო. სპიკერებმა საზოგადოებას ასევე ის გამოწვევები გაუზიარეს, რომელიც პროდუქტის შექმნის პროცესში გადალახეს. ჩვენ ამით არ ვჩერდებით და აქტიური რეჟიმით ვმუშაობთ, რათა მომხმარებლის საჭიროებებზე და ინტერესებზე მორგებული პროდუქტები თუ სერვისები შევქმნათ, რაც საბანკო ოპერაციების განხორციელების პროცესს მნიშვნელოვნად გაამარტივებს“,- აცხადებენ „საქართველოს ბანკში“.