ისრაელის კოალიციური პარტიების ყველა ლიდერი მხარს უჭერს პრემიერ-მინისტრ ბენიამინ ნეთანიაჰუს ინიციატივას, საგანგებო ეროვნული მთავრობის შექმნასთან დაკავშირებით.
ამის შესახებ ინფორმაციას ადგილობრივი მედია ავრცელებს.
მათივე ცნობით, ჯერჯერობით ბენი განცის „ეროვნული ერთიანობის პარტიასთან“ შეთანხმებისთვის არ მიუღწევიათ, თუმცა მოსალოდნელია, რომ ასეთი შეთანხმება მალე მოხდება.
„კოალიციური პარტიების ყველა ლიდერმა მხარი დაუჭირა საგანგებო ეროვნული მთავრობის შექმნას და პრემიერ-მინისტრ ბენიამინ ნეთანიაჰუს უფლება მისცა, მის შესაქმნელად იმოქმედოს“, - განაცხადა პარტია „ლიკუდის" პრესსპიკერმა.