CIU-სა და აფხაზეთის ა/რ განათლებისა და კულტურის სამინისტროს შორის ურთიერთთანამშრომლობის მემორანდუმი გაფორმდა

კავკასიის საერთაშორისო უნივერსიტეტსა და აფხაზეთის ა/რ განათლებისა და კულტურის სამინისტროს შორის ურთიერთთანამშრომლობის მემორანდუმი გაფორმდა. ინფორმაციას CIU ავრცელებს.

მათივე ცნობით, მემორანდუმს ხელი კავკასიის საერთაშორისო უნივერსიტეტის რექტორმა, პროფესორმა, კახაბერ კორძაიამ და აფხაზეთის ა/რ განათლებისა და კულტურის მინისტრმა, ნანა გაბელიამ მოაწერეს.

„მემორანდუმის მიზანია მხარეთა საერთო ინტერესების სფეროში შემავალ საკითხებზე თანამშრომლობა, ერთობლივი პროექტების, კვლევების, სასწავლო-საგანმანათლებლო, სამეცნიერო ღონისძიებებისა და ინიციატივების განხორციელება.

აღსანიშნავია, რომ თანამშრომლობის ფარგლებში, CIU-ს საბაკალავრო და სამაგისტრო პროგრამის სტუდენტები სამინისტროში პრაქტიკის გავლას შეძლებენ.

შეხვედრაზე CIU-ს სტუდენტებისთვის, აფხაზეთის ა/რ განათლებისა და კულტურის მინისტრმა, ნანა გაბელიამ, მინისტრის მოადგილემ, ნინო ლობჟანიძემ და მინისტრის მრჩეველებმა - ეკა ჭითაშვილმა და სოფო დემეტრაშვილმა სამინისტროს ფუნქცია-მოვალეობები, სასტიპენდიო პროგრამები და თანამშრომლობის ფარგლებში არსებული შესაძლებლობები ვრცლად განიხილეს.

მისასალმებელი სიტყვით აუდიტორიას კავკასიის საერთაშორისო უნივერისტეტის პროფესორმა, აკადემიკოსმა, მინდია უგრეხელიძემ და სამართლის ფაკულტეტის დეკანმა, პროფესორმა. გიორგი ხატიძემ მიმართა. შეხვედრაზე სიტყვით CIU-ს სამეცნიერო დეპარტამენტის ხელმძღვანელი სესილი გოგიბერიძე წარდგა.

მემორანდუმის ფარგლებში კავკასიის საერთაშორისო უნივერსიტეტში იძულებით გადაადგილებულ სტუდენტთა საუნივერსიტეტო კლუბი - „ახალი თაობის ხიდი“ დაარსდა. კლუბის ხელმძღვანელმა, სამართლის სამაგისტრო პროგრამის სტუდენტმა, რევაზ ბერულავამ, დამსწრე საზოგადოებას კლუბის დებულება წარუდგინა და სამომავლო გეგმებზე ისაუბრა. კლუბის საქმიანობის ფარგლებში განხორციელდება ისეთი საგანმანათლებლო პროექტები, როგორებიცაა: საჯარო ლექციები, სტუდენტური საერთაშორისო კონფერენციები, სადისკუსიო ფორმატის შეხვედრები. კლუბის მიზანია, იზრუნოს საქართველოს ოკუპირებული ტერიტორიებიდან დევნილი სტუდენტების სოციალიზაციასა და ინტეგრაციაზე, ახალგაზდების გაძლიერებასა და ხელშეწყობაზე აფხაზეთის ა/რ სკოლებში.

შეხვედრას კავკასიის საერთაშორისო უნივერსიტეტის ადმინისტრაციის წარმომადგენლები და CIU-ს სტუდენტები ესწრებოდნენ,“ - აღნიშნულია გავრცელებულ ინფორმაციაში.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის