ირაკლი ქადაგიშვილი განმარტავს, რატომ იზრდება პარლამენტის ვიცე-სპიკერების რაოდენობა

როდესაც პარლამენტის რეგლამენტში ცვლილებები განხორციელდება, სამი ვიცე-სპიკერი უმრავლესობით იქნება წარდგენილი, ხოლო სამი ოპოზიციას ეყოლება - ახლა ოპოზიციურ ფლანგი მრავალსუბიექტიანია, ოპოზიციაში მეტი პოლიტიკური ჯგუფია, ვიდრე აქამდე იყო, - ასეთი განმარტება გააკეთა პარლამენტის საპროცედურო საკითხთა და წესების კომიტეტის თავმჯდომარემ ირაკლი ქადაგიშვილმა რეგლამენტში დაგეგმილ ცვლილებაზე, რომლის მიხედვით, პარლამენტის ვიცე-სპიკერების რაოდენობა იზრდება.

ამასთან, კითხვას, ვიცე-სპიკერების რაოდენობის გაზრდის გადაწყვეტილება რამდენად შეიძლება იყოს დაკავშირებული იმასთან, რომ აღნიშნულ პოზიციაზე არჩევა შეიძლება კონკრეტულ დეპუტატებს უნდოდეთ, ქადაგიშვილმა ასე უპასუხა: „რა თქმა უნდა, უნდათ“.

„წლების წინ პარლამენტში უმრავლესობის და ოპოზიციის კვოტით სამ-სამი ვიცე-სპიკერი იყო. შემდეგ მათი რაოდენობა ორ-ორ ვიცე-სპიკერამდე დავიდა. რეგლამენტი პირვანდელ ვარიანტს უბრუნდება. სამი ვიცე-სპიკერი ოპოზიციას ეყოლება, სამი ვიცე-სპიკერი - უმრავლესობას, ხოლო პირველი ვიცე-სპიკერის დასახელება კვლავ პარლამენტის თავმჯდომარის პრეროგატივა იქნება“, - განაცხადა ირაკლი ქადაგიშვილმა.

პარლამენტის სპიკერატში ვიცე-სპიკერების რაოდენობა იზრდება - ნაცვლად ხუთისა, პარლამენტს შესაძლოა შვიდი ვიცე-სპიკერი ჰყავდეს.

რეგლამენტში დაგეგმილი ცვლილებების პროექტის თანახმად, რომელიც „ქართული ოცნების" დეპუტატებმა მოამზადეს, პარლამენტის თავმჯდომარის მოადგილედ შესაძლებელია აირჩეს სამი მოადგილე საპარლამენტო უმრავლესობიდან და სამი მოადგილე საპარლამენტო ოპოზიციაში შემავალი ფრაქციებიდან.

მოქმედი რეგლამენტით, პარლამენტის სპიკერატში უმრავლესობისა და ოპოზიციისთვის ორ-ორი კვოტაა განსაზღვრული, თუმცა საპარლამენტო ოპოზიციისთვის განკუთვნილი ორი ვიცე-სპიკერის თანამდებობიდან ერთი ვიცე-სპიკერის კვოტა ვაკანტურად რჩება.

ვიცე-სპიკერებთან დაკავშირებით მოქმედ პარლამენტში ამჟამად ასეთი სურათია - პარლამენტს ჰყავს პირველი ვიცე-სპიკერი, რა თანამდებობასაც გია ვოლსკი იკავებს. საპარლამენტო უმრავლესობის კვოტით ვიცე-სპიკერის პოსტზე არჩილ თალაკვაძე და დავით სერგეენკო არიან არჩეული. რაც შეეხება ოპოზიციისთვის განსაზღვრულ კვოტას, ამ სტატუსით პარლამენტის ვიცე-სპიკერია პოლიტიკური ჯგუფის „ევროპელი სოციალისტების“ დეპუტატი ავთანდილ ენუქიძე.

ოპოზიციისთვის განკუთვნილი ვიცე-სპიკერის კიდევ ერთ პოსტზე ფრაქცია „ნაციონალურმა მოძრაობამ“ პარლამენტს ლევან ბეჟაშვილის კანდიდატურა წარუდგინა, თუმცა უმრავლესობამ მიიღო პოლიტიკური გადაწყვეტილება, რომ ბეჟაშვილი ვიცე-სპიკერად არ აერჩიათ.

ვიცე-სპიკერების რაოდენობის ზრდა პარლამენტის ხარჯებს ზრდის. ცნობისთვის, პარლამენტის თავმჯდომარის მოადგილის გასამრჯელოს ოდენობა 6 340 ლარია. მას ჰყავს სამდივნო და ემსახურება ავტომობილი.

გიორგი ანთაძე - თუ ასე გაგრძელდა, დასავლეთთან ურთიერთობების აღდგენას და სათანადო რელსებზე დაბრუნებას დიდი დრო შეიძლება დასჭირდეს, ან კიდევ სულაც წარმოუდგენლად გართულდეს
იოსებ მურმანიშვილი - ოსტეოართრიტის სამკურნალოდ კლინიკა „ნიუმედი“ პაციენტებს ინექციური მკურნალობის მეთოდს სთავაზობს, რაც მნიშვნელოვნად აუმჯობესებს სახსრების ფუნქციას და შესაბამისად ზრდის პაციენტის ცხოვრების ხარისხს
ქართული პრესის მიმოხილვა 15.07.2024
რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ევროკავშირი პროგრამა „განათლება დასაქმებისთვის” ფარგლებში მნიშვნელოვან შედეგებს აქვეყნებს
TNET-ის რეგისტრაციის ოფისი უძრავი და მოძრავი ქონების გაფორმებისა და რეგისტრაციისთვის თბილისში
.ge დომენი წელიწადი 1 ლარად - Domenebi.ge-ს მომხმარებლებს დომენების 2 წლით შეძენა 51 ლარად შეუძლიათ
გაზრდილი სიჩქარე, უცვლელი ფასი